Donostia Zinemaldia ::

El baño del Papa / The Pope’s Toilet (Aita Sainduaren bainua)

Enrique Fernández, César Charlone

Uruguai

1988. urtea da eta Juan Pablo II.a aita saindua Melo bisitatzera doa. Hura ikustera 50.000 pertsona inguru bilduko omen dira. Bertako biztanle apalek jendetza honi janaria eta edaria salduz aberastuko direlakoan daude. Beto, kontrabandista batek, berriz, bere etxe parean komun bat eraikitzea erabaki du eta berau alokatzea.

Esas no son penas / Anytime Soon (Horiek ez dira penak)

Anahí Hoeneisen, Daniel Andrade

Ekuador

Eskolan lagun izandako 30 urteko bost emakumeren bizitzako egun bat kontatzen du, 14 urte elkar ikusi gabe egon eta gero, berriro elkartzen direnekoa. Berriz elkar ikustearen eraginez, bakoitzak bizitzan hartu duen bidea zalantzan jarriko du. Eguneroko egoerak emakumezkoaren unibertso korapilotsuan barneratzeko aitzakia dira.

La perrera / The Dog Pound (Txakur-etxola)

Manuel Nieto

Uruguai - Argentina - Kanada

David, 25 urteko gazte bat, bere etxea balneario txiki batean eraikitzera behartu du aitak. Etxearen eraikuntzaren istorioa da hau, honen gorabeherena eta mundu berri batean bizirik irauteko Daviden borroka tragikomikoa, gizonak adina txakur dagoen toki batean, non bertan ia ez dagoen emakumerik eta gauzak gehien bat adiskidetasunagatik egiten diren.

É proibido proibir / Forbidden to Forbid (Debekatzea debekatuta)

Jorge Durán

Brasil

Paulok eta Leticiak elkar maite dute, baina neska Pauloren lagun onenarekin, Leónekin ateratzen da. Hirurak unibertsitateko ikasleak dira, baina halere ezin diote Brasilen nagusi den indarkeriari ihes egin. Poliziak burututako hilketa baten lekuko izan den mutiko bat salbatzeko ahaleginean, León zaurituko dute. Medikuntza ikasten dabilen Paulok ebakuntza etxean egin eta salba...

Paulok eta Leticiak elkar maite dute, baina neska Pauloren lagun onenarekin, Leónekin ateratzen da. Hirurak unibertsitateko ikasleak dira, baina halere ezin diote Brasilen nagusi den indarkeriari ihes egin. Poliziak burututako hilketa baten lekuko izan den mutiko bat salbatzeko ahaleginean, León zaurituko dute. Medikuntza ikasten dabilen Paulok ebakuntza etxean egin eta salbatu egingo du Leticiaren laguntzaz.

El Rey de San Gregorio / The King of San Gregorio (San Gregorioko erregea)

Alfonso Gazitúa

Txile

Pedro Vargasen bizitza kontatzen du (filman bere buruaz egiten duenak), gorputz eta adimen-urritasun bat pairatzen duen eta San Gregorio herrian bizi den 30 urteko gizonarena. Bere egoera ez da oztopo maitasun-istorio eder baten protagonista izateko, Catirekin batera, adimen-urritasuna nozi duen bere ?printzesarekin?. Pedroren ama eta Catiren ahizpa amodio honen gauzatzearen au...

Pedro Vargasen bizitza kontatzen du (filman bere buruaz egiten duenak), gorputz eta adimen-urritasun bat pairatzen duen eta San Gregorio herrian bizi den 30 urteko gizonarena. Bere egoera ez da oztopo maitasun-istorio eder baten protagonista izateko, Catirekin batera, adimen-urritasuna nozi duen bere ?printzesarekin?. Pedroren ama eta Catiren ahizpa amodio honen gauzatzearen aurka ageri dira.

El telón de azúcar / The Sugar Curtain (Azukrezko oihala)

Camila Guzmán Urzúa

Frantzia - Kuba

Iraultzaren urrezko urteetan jaio eta hazi zen kubatar belaunaldiari buruzko dokumental pertsonal eta autobiografikoa. Umetan ezagututako errealitate hura berreskuratzen saiatu den barneko erretratua da, eta heldutasunera iristean beren idealak behea jotzen ikusi zituen kubatar belaunaldi honen gaineko arakatzea.

El violín / The Violin (Biolina)

Francisco Vargas Quevedo

Mexiko

Don Plutarco, biolin-jole edadetuak, Genaro honen semeak eta Lucio bere bilobak bizitza bikoitza daramate: musikari eta nekazari izateaz gain, gobernuaren aurka matxinatzea dute helburu. Arratsalde batez, Ejerzitoak ustekabean beren komunitatea setiatu du "matxinoen" bila. Don Plutarcok mendira alde egiten du, Genaro eta matxinoak, aldiz, mendialdean gordelelu bat prestatu eta ...

Don Plutarco, biolin-jole edadetuak, Genaro honen semeak eta Lucio bere bilobak bizitza bikoitza daramate: musikari eta nekazari izateaz gain, gobernuaren aurka matxinatzea dute helburu. Arratsalde batez, Ejerzitoak ustekabean beren komunitatea setiatu du "matxinoen" bila. Don Plutarcok mendira alde egiten du, Genaro eta matxinoak, aldiz, mendialdean gordelelu bat prestatu eta kontraerasorako bilduko dira.