tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 58. Edizioa 2010  > Zinemaldiaren Egunkaria > «Film honetan indarkeria esplizitua erakustea ezinbestekoa zen»
Zinemaldiaren Egunkaria » SAIL OFIZIALA
«Film honetan indarkeria esplizitua erakustea ezinbestekoa zen»
I SAWTHE DEVIL (DEABRUA IKUSI NUEN)
Igandea, 2010(e)ko irailak 19

Indarkeriak gizarte garaikidean duen eraginaz hitz egiten du pelikulak. Bortizkeria hori guztia gure inguruan baitago, nonahai delarik ere. Kasu honetan, beste deabru bat zigortzeko deabru bihurtzen den gizon batez dihardu. Honen moduko argumentu batekin bestela ezin izan zitekeenez, indarkeria esplizitua agertzea nahitaezkoa zen”, segurtatu du kim Jee-woon zinegileak.

Filmeak oso itxura estetiko zaindua du eta Jee-woonek bere erreferentziak ezagutarazi nahi izan ditu, oraingo honetan serie-hiltzaile batengana zuzentzen gaituztenak, aitzitik, iparramerikar egikera peto-peto batez jantzia.“David Fincherrek Zodiac filman erabili zituen koloreak oso kontuan izan ditut, alegia, 70eko hamarkadan erabiltzen zituzten horiek. Nik ere filmak beldurreratz eramango gintuen girotze hori izatea nahi nuen.

Eta lortu, baita lortu ere, ze I Saw the Devil thrillerrak estatubatuar zinemako ohiko ‘serial killer’- aren, erretratu psikologikoaren eta terroaren artean lekutzen baikaitu. “Deabruari aurka egiteko deabru bihurtu behar duzu”, adierazi du errealizadoreak, zeinak Zinemaldian filmaren bertsio osoa aurkeztu duen. Izan ere, bere jaioterrian, Hego Korean, estreinatu ahal izateko indarkeriazko zenbait eszena bortitz moztu behar izan ditu.

I Saw the Devil filmak bi aktore protagonisten antzezpen bikainen bitartez eusten dio goiari.Horietako bat, Choi Min-sik, antzeko tematika eta egikera duen Old Boy korear filmeko protagonista nabarmena izan zen. Oraingoan, berriz, hiltzaile-mendekatzaile izatetik jazarpenaren biktima izatera igaro da. Bata bestearen atzetik mendeku hartu nahian dabiltzan bi gizon hauetaz baliatuta, “erotasuna eta suminaren arteko talka pantailaratu nahi nuen”, azaldu du zuzendari asiarrak.


Sergio BASURKO

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea