tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 58. Edizioa 2010  > Zinemaldiaren Egunkaria > Ziutateaz, hauskortasunaz eta bizipozaz
Zinemaldiaren Egunkaria » ZABALTEGI
Ziutateaz, hauskortasunaz eta bizipozaz
PERLAK / HAPPYTHANKYOUMOREPLEASE
Igandea, 2010(e)ko irailak 19

Ez dakit erromantikotzat har daitekeen Happythankyoumoreplease, baina garbi dago komedia bat dela,komedia korala, gainera, bikoteen eta pertsonen hauskortasunaz hitz egiten duena,baina baita ziutateaz eta bizipozaz ere. Pelikula baikorra da,beste alde batetik,mezu positiboa transmititzen duena, positiboegia agian bizi garen garaian. Eta bertan egindako beste film askok bezala, New York hiria kokapen bat baino zerbait gehiago da hemen; badakit topiko bat dela, baina esan liteke beste pertsonaia bat dela ziutatea, eta ez txikiena. Momentu batean Woody Allenen pelikulei keinu bat ere egiten zaie. Hor dago,bestalde,NY vs LA debatea bi pertsonaien artean.

Orokorrean, erromantikoa den edo ez erabakitzeke utziz, esan liteke komedia atsegina
dela Josh Radnorrek zuzendutakoa, eta seguru aski horrexegatik irabaziko zuen Publikoaren Saria Sundanceko Zinemaldian.

Beste pelikula askoren ildotik abiatzen da Happythankyoumoreplease: hasieran pertsonaia
eta bikote desberdinak aurkezten zaizkigu. Piskana-piskana haiei buruzko xehetasunak kontatzen zaizkigu eta arazoak planteatzen dira. Istorio desberdinez osatua dago pelikula, beraz, baina bada agian istorio bat gainerako guztiei gailentzen zaiena, Josh Radnorrek interpretatzen duen pertsonaiak metroan topatzen duen umearen ingurukoa, hain zuzen ere. Honek ematen dio nolabaiteko batasuna pelikulari, baina egia da, bestalde, pertsonaia guztien artean badagoela harreman berezi bat. Ez da Friends telesailaren kapitulu bat, baina egia da batzuetan ggora datorrela.

Klitxe batzuk gora behera (berriro ere gizonezkoen konpromiso eza eta abar), pelikulak ez du inolako oztoporik aurrera egiteko, suabe-suabe, irrifarrezirrifarre, azkenean baikortasunez beteriko mezua helarazteko: atera hadi kalera maitasuna bilatzera, maitatua izatera. Hala egin beharko dugu, ba.

M.B.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea