tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 58. Edizioa 2010  > Zinemaldiaren Egunkaria > Aktore izugarri baten handitasuna
Zinemaldiaren Egunkaria » ZABALTEGI
Aktore izugarri baten handitasuna
PERLAK / BARNEY’S VERSION
Larunbata, 2010(e)ko irailak 18

Hainbat kritikarik komedia tristetzat jo dute Barney’s Version, eta, jakina, ni ere ados nago definizio horrekin.Alde batetik parregurea sortarazten du eszena batzuetan,baina,beste alde batetik, orokorrean samintasuna nagusitzen da, pelikulak protagonista nagusiaren gainbehera baitu gai nagusitzat. Egia da, edozein modutan, bizitza bera ere, edonoren bizitza, gainbehera baten kronika dela, ezinbestean heriotzarekin bukatzen dena, baina hemen badira
beste puntu batzuk komediari garraztasun berezi bat ematen diotena.

Gizon askok beren burua islatuta ikusiko dute pelikula honetan; izan ere,neurri batean arketipo
bat da Barney Panofsky: beti ligatzeko gogoz egoten den mozkortia, kirola telebistan ikustea gustatzen zaiona,besteez gehiegi arduratzen ez dena, berekoi samarra, zinikoa eta bere buruaz baino pentsatzen ez duena, baina horixe da hain zuzen aipatutako identifikazioa lortzen laguntzen duena.“Gizon guztiak berdinak zarete”, esango du baten batek pelikula ikustean, eta, gauza batzuei dagokienean, behintzat, ez naiz ni kontrakoa eramaten hasiko.

Aktore bikainak daude pelikulan, Dustin Hofmannengandik hasita,baina denen gainetik, oso gainetik gainera, Paul Giamatti handi, izugarri bat dago. Beste pelikula batzuen artean American Splendor edo Sideways ikusi dituztenak ez dira harrituko, baina ezagutzen ez dutenek aktore izugarri baten handitasuna topatuko dute aurrezaurre.


M.B.

 

© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea