Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 58. Edizioa 2010  > Zinemaldiaren Egunkaria > Etorkizuneko zuzendariek Transmedia narrazioa eta 3D zinema jorratuko dituzte
Zinemaldiaren Egunkaria » ZINEMA IKASLEEN NAZIOARTEKO TOPAKETA
Etorkizuneko zuzendariek Transmedia narrazioa eta 3D zinema jorratuko dituzte
Ostirala, 2010(e)ko irailak 17

Zinema ikasleek aurten ere izango dute euren lekua Zinemaldian. Gazte zinemagileen profesionalizaziorako bidean euskarri izateko helburuarekin jaiotako Zinema Ikasleen Nazioarteko Topaketen 9. edizioa ospatuko da hilaren 22 eta 24a bitartean
eta, bertan, hamabi herrialdetatik etorritako hamalau zentrotako ikasleek hartuko dute
parte. Zehazki, Alemania, Argentina, Kolonbia, Kuba, Txile, AEB, Finlandia, Israel, Polonia,
Britainia Handia, Singapur zein Estatuko gazteak izango dira Topaketan eta hauek egindako film laburrak, nagusiki ikasketa amaierako proiektuak, aurkeztuko dituzte. Lan horiek Danis Tanovic zine zuzendaria buru duen epaimahai batek aztertuko ditu eta horietako bati Panavision saria eskainiko zaio. Beste hiru zuzendari gazteri euren film laburrekin Canneseko Merkatuko Short Film Corner leihaketan parte hartzeko aukera luzatuko zaie.

Film laburrak aurkezteaz gainera eskola ezberdinetako ikasleekin eta adituekin eztabaidatzeko aukera ere izango dute gazteek horretara bideratutako espazioetan. Batez
ere sormena,ikus-entzunezko industriaren funtzionamendua, joera berriak eta Topaketan
parte hartzen duten eskoletako plantemanendu pedagokikoak izango dituzte hizpide. Hala,Transmedia narrazioaren eta 3D zinemaren gaineko masterclassa izango da hilaren
22an.Lehen gaia jorratuko duen hitzaldian aisialdi eta entretenimendu digitalean iraultza eragin duen istorioak kontatzeko era berria eta honen ekoizpena landuko du Lance Weiler-ek eta, kasu praktiko gisa, Panzer Chocolate proiektu interaktiboa aurkeztuko du Robert Figuerasek.

3D zinema eredua
Topaketen alderdi pedagogiko honen bigarren ardatza,esan bezala, 3D Zinema izango da. Masterclassa ematearen ardura Dygra Films-eko presidente Manolo Gómezek izango du eta, batik bat, Holy Night! filma -Estatuan 3D digitalean ekoitzitako animaziozko lehenengo filma eta Europa mailan lehenetarikoa- hartuko du gaitzat. Software bidez puztutako 3D eredua eta Dygraren berezko teknologiaren arteko ezberdintasunak ere izango ditu hizpide,besteren artean.Tailer hau osatzeko Panavisionen partaidetza ere izango da: Frederick Du Chauren The Krostons, Masters of the Universe lanaren teaser edo lehen irudi sorta ikusi ahalko da eta filman emandako 3D tratamenduari eta ekipoari buruz ere hitz egingo dute. Azkenik, aipatu Topaketa berezi hau Tabakalera Kultura Garaikideen Nazioarteko Zentroak eta Zinemaldiak elkarlanean antolatutako ekimena dela eta, bestalde, Donostia 2016an Europako Kultur Hiriburua izateko hautagaitzaren babesa ere baduela.

Amalur ARTOLA

 

Babesle Ofiziala
Media Partner
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea