Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 59. Edizioa 2011  > Zinemaldiaren Egunkaria > Malicken azken harribitxia
Zinemaldiaren Egunkaria » PERLAK - FIPRESCI SARIA
Malicken azken harribitxia
THE TREE OF LIFE
Ostirala, 2011(e)ko irailak 16

Batzuetan, adjektiboek ez dute askotarako balio. Ez, behintzat, haurtzaroa eta munduaren hasiera eta Estatu Batuetako 50eko hamarkadako gizarte bat, dena batera, erretratatu nahi bada. Ez dute balio zuzendariaren egitasmoa horren handinahi eta horren eskuzabala baldin bada. Ez dute balio esaterako kasu honetan, Terrence Malickek egin duen filma definitzeko.

Jack, filmeko protagonista, Texaseko familia kristau batean bizi da, aitaren zorroztasunak eta amaren maitasunak markatuta. Orain, heldua dela, atzera begira eta haurtzaroa gogoratzeari ekin dio, eta ariketa horrek aukera ematen dio bizitzaz eta heriotzaz gogoeta egiteko, gurasoek emandako heziketaren alde onak eta txarrak balantza batean jartzeko, orduan oso kontuan hartu ez zituen ñabardurei erreparatzeko, gurasoen eta anai-arreben bizipenei buruz pixka bat hausnartzeko.

Baina, itxuraz erraz samarra den gidoi horren atzean, zuzendariak bizitzari buruzko benetako gogoeta poetikoa egin du, existentziaren inguruan galderak bota eta ia munduaren esanahia bera deskubritzen ahalegintzeko. Horretarako, noski, denborarekin eta irudiekin jolastu behar izan du, eta, horregatik, Texaseko giro lehorra, AEBetako gaur egungo gizartea eta dinosauroen garaia, dena nahasten da anabasa estetiko harrigarrian. Filmak aurtengo Canneseko Urrezko Palmorria jaso du, eta kritikariek banatzen duten Fipresci Saria.

A.B.

 

Babesle Ofiziala
Media Partner
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea