tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 60. Edizioa 2012  > Zinemaldiaren Egunkaria > Elkarbizitza zer ote da?
Zinemaldiaren Egunkaria » ZUZENDARI BERRIAK
Elkarbizitza zer ote da?
LAYALI BALA NOOM
Igandea, 2012(e)ko irailak 23

Herri honetan zerbait dakigu minez. Zerbait, ezin ikusiez, gaizki ulertuez, barrikadez. Horregatik, gatazken inguruko esperientzia orori interes bereziarekin begiratu ohi diegu, pista baten bila, askotan. Zirrikitu eske. Zerbait ulertuko dugun jakin-minez. Baliagarria izan dakigukeena aurkituko dugun ikusmirarekin.

Eliane Raheb Libanoko guda zibilaren mordoiloaren erdian murgildu da, bera ere argi bila.
Eta bi protagonista jarri ditu aurrez aurre. Alde batetik, Libanon errefuxiatutako palestinarrak Israelen laguntzaz zafratu zituzten milizia kristau falangistako buru izandako Assaad Shaftari, bestetik Israelen aurkako borroketan desagertutako militante komunista baten ama Maryam Saidi. Filma bera Saidiren semearen bilaketa etsia da. Posible ote da oraindik bizirik egotea, amak uste duen bezala? Hala ez bada, non ote dago gorpua? Nora joango da Myriam negar egitera?

Libanoko gerrak 1975etik 1990era iraun zuen, eta Beirutera eta, orokorrean, Libano osora hondamendia ekarri zuen. Garai hartan, Israelgo indarrek Libanoko kristauen aldeko politika bultzatu zuten, Jassir Arafaten Palestinarren Askapenerako Erakundea (PAE) herrialdetik bota eta kristauen nagusigoa indartzeko, eta Siriak, berriz, palestinarren alde egin zuen. Gatazka horren zauriak oso presente daude Libanon, eta dokumental honek frogatzen duenez, herrialdea oraindik oso urrun dago benetako elkarkidetzatik.

Nolanahi ere, Rahebek planteatzen duen asmoa, alegia pantaila baten aurrean gatazka
bereko bi alderdiak jarri eta bertan konpromisoren bat bilatzea, eztabaidagarri gertatu da behin baino gehiagotan, eta zalantzan jartzen du egitasmoaren beraren abiapuntua: posible ote da elkar ulertzea aldez aurretiko lana egin gabe? Borondate soilean oinarritutako ezein egitasmo bakezalek ze etorkizun dauka?

A.B.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea