tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 60. Edizioa 2012  > Zinemaldiaren Egunkaria > Tormentuaren akordua
Zinemaldiaren Egunkaria » ZUZENDARI BERRIAK
Tormentuaren akordua
CARNE DE PERRO
Osteguna, 2012(e)ko irailak 27

Egindako torturen akorduak benetako larritasun sentsazioa eragiten dio Alejandrori, 55 urteko txiletar militar ohiari. Une oro irauten duen larritasun sorra da, ohartu gabe ere barruak jaten dizkiona, eta ez da aurre egiteko gai. Iragana pisuegia da, nonbait. Edo egindako mina bere kontra bihurtu da beharbada. Ondorioz, ezin du gaur egungo errealitatean lasai bizi. Ez da bere lankide ohiekin moldatzeko gai, ezin du andrearekin harreman normalik izan, ezinezkoa du alabarekin komunikatu, ez ditu bizilagunak jasaten. Bere konpainia bakarrak ere, txakur handi eta zaharrak, azkenean berak ere pairatuko du nagusiaren ezinegona, tormentua. Beste mamu bat bizkar zorrorako. Beste bat gehiago, ez ahanzteko.

Ia elkarrizketarik gabeko narrazio itogarria da Fernando Guzzoni txiletarraren film hau,
pertsona baten akidura fisiko eta psikikoaren notizia ematen duen kontakizun iluna. Alejandrok ez du iraganaz pentsatu nahi, baina ezin dio oraingo uneari aurre egin. Bere estutasunen berri ematera medikuarengana joan denean, honek esan dio beharbada arazo psikikoak izan daitezkeela, baina militar ohiak aukera hori ukatu nahi du behin eta berriro, iraganeko mamuak berpiztu litezkeelakoan.

Azkenean, ia iraganean bezala, bide estu baina garbia erakusten dion aukeraren alde
egingo du. Konplikaziorik txikiena duena. Lurrean aurkitu ezin duen paradisua eskaintzen diona: erlijioa.

A.B.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea