tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 60. Edizioa 2012  > Zinemaldiaren Egunkaria > Ghobadi: «Filma berez poesia baita»
Zinemaldiaren Egunkaria » SAIL OFIZIALA
Ghobadi: «Filma berez poesia baita»
FALSE KARGADAN / RHINO SEASON
Ostirala, 2012(e)ko irailak 28

Azkenean, Rhino Season pelikula zuzendariak berak onetsitako soinu eta irudiekin ikusi dugunean deliberatu da Ghobadi prentsaurrekoa ematera. Izan ere, filmak esanahi berezia dauka Ghobadirentzat. 1979ko Iraultza Islamikoaren errepresioaren ondorioz Teheraneko kartzela batean 30 urte preso igaro dituen Sahel izeneko poeta kurdu baten istorioa kontatu baitu; nola atxilotu zuten, nola torturatu, nola eman zuten hiltzat, ateratakoan nola jotzen duen Istanbulera Mina emazte zuenaren bila, eta 30 urte geroago nola ezin dion iraganari aurre egin, zer-nolako ezina sentitzen duen.

Ghobadik ere ezina sentitzen du, arrazoi politikoengatik Irandik erbesteratu behar izan baitzuen orain lau urte. Hitz egiten jarraitu ahala, emozionatzen hasi da. “Ez hiltzeko egin dut film hau, eta nire espiritua indarberritu duela uste dut”. Bizitzarekin “berriro topo egiteko” ahalegina da, “ni neu izateko ahalegina”. Bere arima piztu nahi izan du, eta, horretarako, lirismo bisuala baliatu du, maisuki, Urrezko Maskorra bitan irabazi duen zuzendariak -Turtles Can Fly-rekin irabazi zuen 2004an, eta Half Moon-ekin 2006an-. “Irudi eta soinu egokiarekin, poesia baten modukoa izan nahi du pelikulak”.

Behruz Vosughi aktoreak jokatu du Sahel zaharraren rola, eta Monica Bellucik, berriz, Mina emaztearena. Aktore italiarrak adierazi duenez, emakumezko mediterranearrek euren baitan berez duten «drama» baliatu duela Minarena egiteko. «Gure amek eta amonek matxismoaren ondorioz sufritutakoa jaso dugu oinordetzan». Filmak ez ditu elkarrizketa asko, baina dituenak persieraz egin ditu Belluccik.

S.B.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea