tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 60. Edizioa 2012  > Zinemaldiaren Egunkaria > Uda salduak
Zinemaldiaren Egunkaria » ZUZENDARI BERRIAK
Uda salduak
DRAUSSEN IST SOMMER
Ostirala, 2012(e)ko irailak 28

Ez da egia, uda guztiak ez dira zoriontsuak. Uda batzuk benetako sufrikarioa izan daitezke, tortura amaigabeak, gauza luze bat plazerik eta interesik gabea, negua bera baino luzeagoa, udazkena bezain tristea, eta udaberria baino ilunagoa. Batez ere, zure inguruko denak ahalegintzen ari baldin badira uda hori zure bizitzako onena izan dadin, edo sinestarazi nahi badizute uda horretatik aurrera dena hobea izango dela, dena aldatuko dela, dena ahaztuko zaizula.

Udak gogorrak izan daitezke, batez ere nerabezaroan, zure bizitza markatuko dituzten harremanak, gertaerak, ikasketak, esperientziak orduantxe jazotzear daudelako, hain zuzen ere nerabezaroan, hain zuzen udan, eta gogorra da gero zuk amestu bezala ateratzen ez badira, edo inguratzen zaituztenen presioa gogorregia bada, edo zutaz aprobetxatu nahi duen inork inguruan toki bat egitea lortzen baldin badu.

Udak itxaropentsuak izan daitezke, Sophie zure ahizparekin dantzan hasi zarelako amaren ohe aurrean, edo lorategira ematen duen leihoko kristalaren kontra jo duen txoritxoa elikatzen hasi zarelako belarrean hartutako zizareekin, eta koskortzen hasi delako; edo ondoko bizilagunak sinpatikoa ematen duelako, edo ezagutu duzun mutilak musu bat eman nahi dizulako.

Baina udak traidoreak izan daitezke, Wandarena bezala, Stuttgartetik Zurichera joan eta dena hondatu zenekoan. Friederike Jehnen film honetan bezala, alegia.

A.B.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea