tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 60. Edizioa 2012  > Zinemaldiaren Egunkaria > Lasse Hallström: «Thriller ‘diferentea’ egiten saiatu naiz»
Zinemaldiaren Egunkaria » SAIL OFIZIALA
Lasse Hallström: «Thriller ‘diferentea’ egiten saiatu naiz»
HIPNOTISÖREN
Larunbata, 2012(e)ko irailak 29

Lasse Hallströmek eta bere emazte Lena Olin aktoreak lehiako azken filma aurkeztu
dute, Hipnotizatzailea. Zuzendariak adierazi duenez, proiektu hau etxera (Suediara) itzuli ahal izateko onartu zuen, Hollywooden lanean hiru hamarkada luze pasa ondoren: “Stockholmen bi egun baino gehiago pasatzeko gogoa nuen. Filmaren gidoiak interesa piztu zidan eta gainera, Lenarentzat rol egokia zegoen pelikulan”.

Zuzendari suediarrak Lars Kepler idazlearen ‘best-seller’-a egokitu du. Segidako hiltzaile batek familia bat hilko du gupidagabe. Kide bat salbatu egingo da, ordea. Kasua aztertzen ari den poliziak prestigioa galdu duen hipnotizatzaile bati laguntza eskatuko dio, baina handik gutxira hipnotizatzailearen semea bahituko dute.

Korapilo horren hariak askatzen saiatu da Hallström. Prentsaurrekoan adierazi du badakiela “bigun” fama duela, beti “pelikula beroak” egitea leporatzendiotela. “Gauza gordinagoak egin nahi nituen”, nolabait zuritu nahi izan du bere burua.

Hipnotizatzailearen papera betetzeko Mikael Persbrandt suediar aktore bikaina kontratatu izana, Hævnen (Mundu hobeago batean) filmeko protagonista berau, kalitate kontua izan da osotara: “Izugarri gustatzen zaidan aktorea da, eta mundu mailako zinema izarra izango litzateke ingelesez hitz egiterakoan suediar doinua izango ez balu. Kimika nabarmena du Lenarekin. Simon Stahoren Bang Bang Orangutang filmean elkarrekin jardun zuten eta begien bistakoa zen bata bestearekin primeran egokitzen zirela”.

Zinemagileak thriller ‘diferentea’ egin nahi izan du, generoaren kanonetatik aldenduta. Familia baten drama eta thrillerra lotzen saiatu da esperimentu gisa. Eta iruditzen zaio lortu duela: “Estatu Batuetan beste tonu batean egiten dituzte thrillerrak. Uste dut gurea errealagoa dela”. Hartara, tramaren gainetik jarri ditu pertsonaiak: “Ez nituen pertsonaiak argumentuarengatik sakrifikatu nahi. Antzezpenak gogotik landu ditugu gero filmaketan lasai inprobisatu ahal izateko eta harro nago emaitzarekin”.

Bere herrikide Stieg Larsson eta zinemara eramandako eskandinaviar nobela beltzaren boom-az galdetu zaionean, Hallmströngek ez entzunarena egin du: “Ez dut nobela beltz nordikoaren olatu berria gehiegi jarraitu. Millennium sorta besterik ez dut ezagutzen”. Lena Olin, bestalde, bere “ama-hizkuntzan berriro errodatu izanaz” pozpozik agertu da.

S.B.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea