tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 60. Edizioa 2012  > Zinemaldiaren Egunkaria > Israel hurbila, latza
Zinemaldiaren Egunkaria » ZABALTEGI
Israel hurbila, latza
SHESH PEAMIM / SIX ACTS
Larunbata, 2012(e)ko irailak 29

Bada Israel bat, edo Israelgo gizarte bat, gurera iristen diren notizietan azaltzen ez dena, militarren jantzi kakietatik harago dagoena, Gaza eta Zisjordania eta Nablusetik urrun bizi dena, itxuraz palestinarrekin arazorik ez duen hiri goi mailakoa, urez betetako iturriekin eta pasabide dotoreekin eta auto markakoekin eta igerilekuekin eta drogekin bizi dena. Israel bat identifikagarria, ez horren militarra, ez horren urruna, Israel bat europarra, hiritarra eta indibidualista, ustez gure gizarte honen antzekoa.

Israel bat non gazteen kezka nagusia harremana den, non sexua, drogak, musika, eta alkoholaren arteko koktelak helduak irudikatzera ere iristen ez diren errealitate paraleloak sortzen dituen, berri nagusietatik urrun. Eta hala ere eguneroko, eskuragarri.

Gili klase ertain horren erdian bizi den neskatila da, institutu bateko ikasle xumea, nerabe bat. Baina maila goragoko mutilekin harremanetan sartzeko obsesioak sexuaren inguruan eraikitako joko arriskutsura bultzatuko du, kontrolatuko ez duen zurrunbilo ero eta arriskutsura. Mutilen apeta bat-batekoen morroi, egoera eskuetatik joango zaio erabat, eta bera ere joko huts bihurtuko da, zorabioa kontrola ezin dezakeen zakilen menpeko panpina hautsia.

Film honek erakusten duen Tel Aviven irudi aberatsaren erdian, errealitate unibertsala nagusitzen da, gordina: sexuan oinarritutako botere gehiegikeriaren argazki latza, errealitate ustela.

A.B.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea