tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 61. Edizioa 2013  > Zinemaldiaren Egunkaria > Nerabezaro gogorra
Zinemaldiaren Egunkaria » ZUZENDARI BERRIAK
Nerabezaro gogorra
PUPPY LOVE
Larunbata, 2013(e)ko irailak 21

Film honetako protagonistak, nerabetasunaren bihotzean sartuta dagoen Dianek, ez du mutilekin asmatzen. Bere mutilarekin, bederen, ez du asmatzen. Saiatzen dira, ahaleginak egiten dituzte, nahi dute, baina ezin. Beldurrak daude, segurtasunik ezak, konplexuak, ezjakintasunak.

Diane kezkatuta dago sexua eta maitasunarekin, baina sexua eta maitasuna ametsezko zerbait dira, gauza irreal eta urrunak, ez egiazkoak. Ikasten ari dela eta logelako telebistan ilunpean ikusten dituen film porno pixelatuen irudien antzera, benetan existitzen ez den zerbait da plazera Dianerentzat. Zerbait lausoa, zerbait alegiazkoa. Baineraren bakardadean masturbatzen den eta, gau berean, aitaren altzoa izaren azpian bilatzen duen neskatila da Diane bere etxean, ume bat ia.

Ez da kontraesanik, ez dio axola. Diane pozik bizi da etxean aita eta anaia txikiarekin, erdi ume, erdi ama.

Auzora bere adineko neska interesgarria iritsi denean, baina, dena aldatu da. Dianek gezurra deskubrituko du, musuak probatuko, sexuarekin aurrez aurre topo egingo. Helduen mundua zabalduko zaio begi aurrean. Neskalagunaren ausardiarekin harrituta, bera ere urrats bat aurrera ematen ahaleginduko da, bera ere ausartu egingo da. Berak ere heldua izan nahiko du bizilaguna bezala. “Aita, zuk uste duzu polita naizela?” galdetu dio bat-batean. Eta gero: “Esan nahi dut, zuk larrua joko zenuke nirekin?”.

Aita-alabaren arteko harremanak ez du froga gogorra gaindituko. Helduaroa gogorregia suertatuko baitzaio Dianeri. Gogorregia, eta arrotzegia.

ALBERTO BARANDIARAN

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea