tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 61. Edizioa 2013  > Zinemaldiaren Egunkaria > Bi kantariren bakardadea
Zinemaldiaren Egunkaria » ZUZENDARI BERRIAK
Bi kantariren bakardadea
YOZGAT BLUES
Asteartea, 2013(e)ko irailak 24

Nesek eta Yuvazek ibilbide artistikoa elkarrekin hasi nahi dute Anatoliako herrixka batean, Turkiako barrualdean. Yuvaz musika irakaslea da Istanbulen, baina aukera eskaini diotenean Yozgateko musika taberna batean kantatzeko, ez du zalantzarik izan. Nese gaztea izango du bikote lagun. Bikote, musikalki hitz eginda, musikaren inguruko harremana baino ez baita bien artekoa.

Yuvaz eta Neseren adin tartea dela eta, gizona neska gaztearen makulua bilakatu da berehala. Bigarren aita edo. Gauero, kantaldi berdina egiten dute betiko lokalean betiko jendearen aurrean; ondoren, elkarrekin gosaltzen dute beti bezala, gauza bera. Eguneroko monotonia antza triste eta etorkizun gabekoari, baina, beste zerbaiten itxura hartu dio berehala Yuvazek, neskaren pertsonalitatea ezagutu ahala etorkizun printzak ikusiko balitu bezala. Ileordea bere aurrean aldatzen hasten denean konplexurik gabe, eta Nese neskatila ahul gisa agertzen hasten denean, denborarekin, elkarren artean zerbait sortu litekeela amestuko balu bezala. Isiltasunean amesten.

Baina Nese azkar asko hasi da Yozgat hirixkako gaueko musika lokaletik kanpokoa ezagutzen eta gozatzen. Bizitzen.

Nese Sabri barberoarekin ateratzen hasten denean, Yuvazi gauero ileordea lisatzen dion huraxe, gizona ohartu da hura ez dela bere mundua. Harriduraz baina, era berean, errespetuz, ohartuko da kantari gaztea nola hasten den hegaldatzen, gero eta gorako, gero eta askeago. Eta bera soberan dagoela ulertu du orduan.

ALBERTO.BARANDIARAN

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea