tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 61. Edizioa 2013  > Zinemaldiaren Egunkaria > Egoyan: «Nola jarraitu bizitzen gertatutakoa ulertu gabe»
Zinemaldiaren Egunkaria » SAIL OFIZIALA
Egoyan: «Nola jarraitu bizitzen gertatutakoa ulertu gabe»
DEVIL’S KNOT • AEB
Ostirala, 2013(e)ko irailak 27

Atom Egoyanek misterio film artegagarria zuzendu du, herri txiki batean eraildako hiru haurri buruzko egiazko kasu batean oinarrituta. Ia genero bihurtzeraino hedatuden epaiketa-film horietako bat da Ofizialean aurkeztu duen Devil’s Knot.

Hilketaren errudun egin dituzten hiru gazteei laguntzeko smoz detektibe pribatu batek (Colin Firth) ikerketa hasiko du bere kabuz. Berehala geratuko da agerian poliziak frogak desitxuratu dituela, baita benetako hiltzaileak haurren oso ingurukoak izan daitezkeela ere. Horrekin erakutsi nahi da hildako haur baten amak ere (Reese Whitherspoon) zalantza egiten duela akusatuak benetako hiltzaileak ote diren.

Zero aztarna

Kanadar zuzendariak azaldu du kasuaren inguruan dokumetazio mediatiko itzela dagoela, haatik, “gorpuak uretan aurkitu zituzten eta, baina ez zen inonlako aztarnarik agertu, ez odolik, ez DNArik, ezta oinatz arrastorik ere. Deus ez, haurren gorpuak salbu. Devil’s Knot (Deabruaren gordelekua) basozuloan gertatutakoa zehatz jakiteko modurik ez da”, adierazi du.

Zuzendariaren esanetan, “Mendebaldeko Memphiseko paraje haietan duela 20 gertatutako izugarrikeriaren tamaina erakutsi nahi du filmeak; ordea, han benetan jazotakoari ezin zaio erantzunik eman”, azpimarratu du.

Egoyanek kasu hau aukeratu zuen «misterioz josita zegoelako. Maila dramatikoari dagokionez, nekez asma daiteke ezin argituzkoa den horrelako kasu bat. Korapiloa, bilbea, hain dago ezkuturik, ezen ezin imajina daitekeela krimenaren segida. “Ezbairik gabe oso ongi taxututako plan baten emaitza da hiru gazteen hilketa, benetako hiltzaileak haurren oso ingurukoak izan behar zuten”, segurtatu du.

Memphisera, krimenaren eszenatokira joan zenean, harrituta gelditu zen zuzendaria, “naturazgaindiko zerbait dago han, kasik mitologikoa”. “Nola gerta daiteke horren sarraski higuingarria krimenaren eszenan inolako aztarnarik utzi gabe. Ezin pentsatuzkoa da, baina halaxe gertatu zen”.

“Nola jarraitu bizitzarekin “Nola jarraitu bizitzarekin han gertatutakoa ulertu gabe?”, galdetu dio zuzendariak bere artean. “Gaiztoki samarra” iruditzen zaio historia argitu gabe uztea, baina berauk oinarri duen egiazko historiak ere ez du amaiera jakinik. Sentitzen dut ikuslea epel uztea, baina ez zitzaidan bidezkoa iruditzen balizko amaiera bat asmatzea”, bukatu du esaten.

S.B.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea