tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 61. Edizioa 2013  > Zinemaldiaren Egunkaria > Zinema eta bizikleta, plan perfektua
Zinemaldiaren Egunkaria » EPAIMAHAIA
Zinema eta bizikleta, plan perfektua
David Byrne sección oficial
Ostirala, 2013(e)ko irailak 27

David Byrne sormen-baliabide anitzeko artista da: argazkilari, zinema-zuzendari, egile eta bakarlari gisa ere aritzen baita. Talking Heads rock bandaren buru zena epaimahaikide ofizial moduan etorri da Zinemaldira.

Hasteko eta behin, zuzeneko kontzertuen dokumentaletan giltzarri izandako Stop Making Sense (Jonathan Demme, 1984) pelikulaz galdetu diogu ‘izotza haustearren’: “Kontatu didate 1987an Donostiako belodromoan arrakasta itzela izan zuela. Egia da zuzeneko kontzertu bat izanik ere, film konbentzional baten egitura narratiboa zuela, eta musikariak pertsonaiak bailiran aurkeztu zituela Jonathanek”.

Alabaina, Donostiara ‘hezur-haragitan’ etorri zen aurreneko aldia 2000. urtean izan zen, Caetano Velosorekin batera kontzertu gogoangarria eman zuenekoan: “Jendeak uste zuen oso ezberdinak ginela, ez zuela funtzionatuko. Haatik, kontzertu bikaina izan zen, ezin hobea”. “Horrezaz aparte, -gaineratzen du- zenbait pelikula ikusi eta janari mordoa jan nuela gogoratzen dut”.

Todd Haynes epaimahaian izango zela jakitean erabaki zuen jaialdiko arduradunei baiezkoa esatea; baina batez ere, “beste zinemaldi handiagoetan oharkabean pasatzen diren ‘perla ezkutuak’ aurkitu ditzakezulako” aitortu digu, etxean, New Yorken, zinera astean bizpahiru aldiz joan ohi den Byrnek. Eta horixe da, hain zuzen ere, epaimahaikide zereginetan erabiliko duen irizpidea: “Zinemazale gisa nator epaimahaira, ezustean harrapatuko nauen historia baten bila”.

Musika eta irudia ardatz dituzten askotariko proiektutan sartuta dabilen Byrnek adierazi digunez: “Beste musikari eta artistekin lankidetzan ri naiz aspaldi honetan (St. Vincent, Fatboy Slim); batetik, abesgarria delako, eta bestalde, gaur egun bizimodua soilik musikaz ateratzea ia ezinezkoa delako”.

Halaber, bere beste pasio handiaz, bizikletaz, gozatu ahal izan du egunotan: “Proiekzioek libre uzten nauten tarteetan bizikleta atera dut eta ibaibazterreko bide gorrietan barrena abiatu naiz. Hiria muino eta mendixkez inguratuta dagoenez, hiriko mugetan barrena ibili naiz. Paisaia zoragarriak dituzue eta erraztasun handiak bizikletaz ibiltzeko. Zorionak, beraz”. Ez horregatik, zorionak zuri etortzeagatik.

S.B.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea