tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 61. Edizioa 2013  > Zinemaldiaren Egunkaria > Dosunmu: «Nigeriar komunitatearen mugak gainditzen dituen istorioa da»
Zinemaldiaren Egunkaria » ZUZENDARI BERRIAK
Dosunmu: «Nigeriar komunitatearen mugak gainditzen dituen istorioa da»
MOTHER OF GEORGE
Larunbata, 2013(e)ko irailak 28

Andrew Dosunmu Nigerian hazi zen eta bertan ikasi zuen. Yves Saint Laurenten laguntzaile gisa hasi zen lanean. Egin zuen lehengo fikziozko film luzea, Restless City, Sundanceko NEXT programaren barruan estreinatu zuten. Egun New Yorken bizi da, eta bertan filmatu eta girotu du bigarren film luze hau, Mother of George.

Filmeko protagonistak Adelike eta Ayodele nigeriarrak dira, eta Blooklynen bizi dira. Ezkondu ostean arazoak izango dituzte, ezin baitute seme-alabarik eduki. “Bikote baten ugalkortasun arazoei buruz hitz egin nahi izan dut, ez New Yorkeko nigeriar komunitateari buruz. Istorio klasiko bat da, hedaduraz unibertsala. Ingurunea, hori bai, Blooklyngo nigeriar auzunean kokatuta dago eta ni nerau bezalako immigrante baten ikuspuntutik kontatuta dago”, adierazi du.

Izan ere, Dosunmu Estatu Batuetako afrikar jatorriko aktore ezagunez inguratu da bigarren zinelan honetarako; hala nola, Isaach De Bankolé, Yaya Alafia (aka Yaya DaCosta) modeloa edo Danai Gurira (The Visitor bikaineko protagonistetako bat eta batez ere, The Walking Dead telesailan samurai sableaz zonbien buruak etengabe mozten dituen Michonne pertsonaia porrokatua).

Kontua da pelikulak egiten hasi aurretik, Dosunmuk musika-bideo ugari zuzendu zituela, tartean Isaac Haysenak, edo film honetan rol labur bat jokatzen duen Angélique Kidjo abeslari eta konpositore benindarrarenak. “Musika-bideoekin nolabaiteko izen ona lortu nuen ikus- ntzunezkoen munduan, bereziki lan hauen argazki bero eta koloretsuari esker. Hortaz, ez nuen zailtasun handirik izan pentsatuta neuzkan aktoreak filmera erakartzeko garaian. Oso aktore- errenda txukuna da, egia esan”, harro esan du.

Filmeko alderdi teknikoei begiratuta azpimarratzekoak dira zuzendariak baliatu dituen desfokuratzeak: “Nirea asmo nagusia ikuslearen begirada pertsonaiengana zuzentzea zen, horregatik, fokua haiengan ipintzen saiatu naiz, hauen ingurua desitxuraturik utzita. Alegia, garrantzia pertsonaietan dago, ez hauen ingurunean”, esan du.

S.B.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea