tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 61. Edizioa 2013  > Zinemaldiaren Egunkaria > Epailea eta gaizkilea
Zinemaldiaren Egunkaria » PERLAK
Epailea eta gaizkilea
9 mois ferme/9 MONTH STRETCH
Larunbata, 2013(e)ko irailak 28

Ariane Felder etorkizun oparoko magistratua da. Emakume langilea, arduratsua, zorrotza eta errespetatua bere profesioko kideen artean. Lanerako bizi da Felder andrea, lana besterik ez da ikusten bere bizitzaren zerumugan: lana, lana eta lana. Pentsa, familia “gurasoek prestatutako eta seme-alabek jokatutako” tragedia dela uste du.

Gau batez, justizia jauregian, denak aztoratuta dabiltza urteko ekitaldiaren amaiera dela eta. Felder andrea lanean ari da bere bulegoan beti bezala, baina lankideak tropelka sartzen direnean, ezin izan dio ezetzik esan xanpain kopa bati, eta gero beste bati, eta gero beste bati.

Handik aste batzuetara, zorabioak eta ahulaldia direla medio sendagilearengana azaltzen denean, sorpresa: haurdun dago. “Ez da posible!”, kexu da epailea. “Bakarrik nago eta!!”. Ekografiak ez du zalantzarako tarterik utzi hala ere: umekia osasuntsu dago, eta handia izango da. Haurdunaldiaren datak begiratuta, bingo: parrandaren egunean gertatu zen gertatu behar ez zena. Okerrena da Felder andrea ez dela ezertaz gogoratzen.

Felderrek lankide batengana zuzenduko ditu susmoak hasieran: epaile kaskarin, hutsal eta ernegagarriarengana, zeinak zorionezko gauaz geroztik inoiz baino adeitsuago dabilen berarekin, baina froga genetikoak berehala erakutsiko du oker, oso oker zegoela. Justizia jauregi inguruko segurtasunezko kameren jarraimenduari esker, epaileak gau hartan gertatutakoa ulertuko du: eta ulertuko duena ez zaio batere gustatuko.

ALBERTO BARANDIARAN

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea