Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 61. Edizioa 2013  > Sariak eta Epaimahaiak > Zuzendari Berriak Sariaren Epaimahaia > Marina Stavenhagen
Marina Stavenhagen
Presidentea
 

Mexiko Hirian jaio zen, 1962an. Mexikoko Zinema Gaikuntzarako Zentroan graduatu zen eta bere jarduera profesionala beti egon da zatituta pantailarako idazketaren eta zinema-kulturaren sustapenaren artean.

Zinema Eskolen Nazioarteko Zinema Jaialdiaren eta “Escenarios de Fin de Siglo” Zinema Dokumentaleko Nazioarteko Topaketen sortzaileetako bat da. Zinema sustatzeko lan handia egin du, batik bat zinema-jaialdietan eta -erakustaldietan; horien artean, azpimarratzekoak dira Vid@rte Bideo eta Arte Elektronikoen Nazioarteko Zinema Jaialdia eta Frantziako eta Mexikoko Zinemari buruzko Acapulcoko Jaialdia.

Horretaz gain, Guadalajarako Nazioarteko Zinema Jaialdiko Patronatuko kide aktiboa da; Emakumeak Zineman eta Telebistan nazioarteko elkartearen (WIFT) Mexikoko ataleko presidente izan zen, eta Haurrentzako (baita handiagoentzako ere) Nazioarteko Zinema Jaialdiko zuzendaritza batzordeko kide.

Gidoigintzari dagokionez, zinemarako bi film egin ditu: En medio de la nada (Hugo Rodríguez, 1992), film luze onenaren Fecimex Sari Nagusia, eta De la calle (Gerardo Tort, 2001); azken horrek Zabaltegi-Zuzendari Berriak saria irabazi zuen Donostia Zinemaldian, eta beste hamaika sari Mexikon eta mundu osoan. Era berean, honako film hauen gidoien egilekide izan da: La última noche (Alejandro Gamboa, 2005), La guerrilla y la esperanza: Lucio Cabañas (G. Tort, 2005), Viaje redondo (G. Tort, 2009), film onena Guadalajarako nazioarteko zinema-jaialdian, eta ¿Alguien ha visto a Lupita? (Gonzalo Justiniano, 2012).

Bestalde, film labur ugari idatzi ditu, eta gidoigintzako irakasle eta zinemagintzako hainbat ekoizpenen aholkulari izan da. Arte Sortzaileen Sistema Nazionaleko kide izan zen.

Duela gutxira arte, Mexikoko Zinemagintza Institutuko (IMCINE) zuzendari nagusi izan da. Erakunde horrek kudeatzen ditu Mexikon zinemagintzarekin loturiko politika publikoak.

 

© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea