Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 61. Edizioa 2013  > Zinemaldiaren Egunkaria > Aita izatea zer den
Zinemaldiaren Egunkaria » PERLAK
Aita izatea zer den
SOSHITE CHICHI NI NARU / LIKE FATHER, LIKE SON
Igandea, 2013(e)ko irailak 22

Ez da erraza aita izatea. Ez da erraza aita zorrotza izatea, batez ere aitarik izan ez duen gizasemeak aitaren papera hartu nahi izaten duenean. Ez da erraza, eta inork ez du horretarako ikastarorik ematen. Eta aita bikaintasunaren adibidea baldin bada, eta semea bere ispilua izatea nahi badu, eta bere aitak kometak hegaldatzera inoiz eraman ez bazuen, latza izan daiteke.

Ryota etorkizun handiko arkitektoa da, lanerako bizi den japoniar gaztea. Midori andreak etxean lan egiten du senarrarentzat. Sei urteko seme Keirarengan berak daukan kuraia ikusi nahiko luke Ryotak, baina mutikoa beste pasta batekoa da.

Egun batez, bikoteak dei bat jaso du amentzako ospitaletik, eta han esan diete Keira ez dutela benetako semea, odolekoa, nahastu egin baitziren orduan. Keiraren benetako gurasoekin elkartzen direnean, beste familia bat ezagutzen dute, beste bizimodua, beste maitasun mota. Ryotak aitortu du orduan: “orain ulertzen dut dena”.

Aitormenak krisi sakona piztu du bikotearengan, andrea ohartzen baita bere moduko semea zizelkatu nahi zuela Ryotak, etorkizun oparoko seme bikaina heztea zela senarraren helburua, eta, batez ere, ohartzen delako Ryotak nahiago duela beste mutiko bat hartu eta Keira utzi bere odoleko gurasoekin. Txakur bat balitz bezala, ez du arazorik semea eskuz aldatzeko, baldin eta trukean irabazten duela iruditzen bazaio.

Esperientzia benetako irakasgaia izango da bi bikoteentzat baina, batez ere, Ryotarentzat.

A.B.

 

Babesle Ofiziala
Media Partner
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea