Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 62. Edizioa 2014  > Zinemaldiaren Egunkaria > Euskal produkzioaren aurtengo altxorra
Zinemaldiaren Egunkaria » ZINEMIRA
Euskal produkzioaren aurtengo altxorra
Ostirala, 2014(e)ko irailak 19

Fikziozko lanak beste sekzioetan eskainiko dituztenez, Zinemira sailean parte hartuko duten sei filmak dokumentalak dira. Rafa Moles eta Pepe Andreuren Five days to dance dokumentalak dantzak nerabeetan izan dezakeen efektu baikorrari buruz hitz egiten du. Ateak zabalduz Oarsoaldeko okupa mugimenduari buruzko Juanmi Gutierrezen dokumentala da. Oskar Tejedorrek Notak mugimenduan lanarekin Biarritzeko Malandain Balletaren eta Euskadiko Orkestraren barne-lana erakusten digu. Bizi seinaleak: Nestor Basterretxea dokumentalean Gentzane Martínez de Osak eta Alexander García de Vicuñak artista polifazetikoaren bizitzari eta lanari buruzko hausnarketa egin dute. Gorka Gamarrak mundu mailako estrainaldia izango den Lantanda filmean,Guineako herri nortasuna mantentzekokreole hizkuntzak duen garrantziaz hitz egiten du. Eta mundu mailako beste estreinaldia izango den I am Haiti laburmetraian Raul de la Fuentek Karibeko uharte horretako errealitate konplexua du ardatz, budua eta eskulturaren bitartez.

Azken bi hauez gain, beste fikziozko lau filmek izango dute aukera 20.000 eurotako Irizar Saria eskuratzeko. Jon Garaño eta Jose Mari Goenagaren Loreak, Pablo Maloren Lasa eta Zabala, Borja Cobeagaren Negociador eta Roberto Castónen Los tontos y los estupidos.

Epaimahaia Isabel Herguera animaziozko errealizadore eta ekoizlea, Angel Aldarondo multimedia eta bitarteko interaktiboetan trebatua eta Rafael Berrio, konpositore, abeslari eta gitarrajotzaileak osotuko dute. Euskal zinemagintzan egindako ibilbidea saritzen duen Zinemira Saria, aurten, Pedro Olea zuzendariarentzat izango da. N.A.

 

Babesle Ofiziala
Media Partner
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea