Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 63. Edizioa 2015  > Sariak eta Epaimahaiak > Epaimahaia Ofiziala > Paprika Steen
Paprika Steen
 

Paprika Steen Eskandinaviako aktore garrantzitsuenetako bat da. Komedia zein drama menderatzen ditu eta imajina litekeen pertsonaia oro hezurmamitzeko gai da. Sari eta izendapen ugari jaso ditu.

1990eko hamarkadan, Dogma mugimenduko kide gailenetako bat izan zen, eta mugimenduko lehen hiru filmetan protagonistaren rola jokatu zuen: Thomas Vinterberg-en Festen (Celebration, 1998), Lars Von Trier-en Idioterne (The Idiots, 1998) eta Søren Kragh-Jacobsen-en Mifune sidste sang (1999).

2000. urtean bere lehen Bodil saria irabazi zuen, antzeztaldeko emakumezko aktore onenari, Den eneste ene (The One and Only, Susanne Bier) filmagatik. 2002an, Bodil saria, Robert saria eta American Film Institute-ren Epaimahaiaren Sari Nagusia irabazi zituen, Jesper W. Nielsen-en Okay filmari esker. Urte horretan ere antzeztaldeko emakumezko aktore onenaren Robert saria lortu zuen Elsker dig for evigt (Bihotz zabalik, Susanne Bier) filmarekin; haren laugarren Dogma filma zen eta Donostia Zinemaldiko Sail Ofizialean estreinatu zen.

Zuzendari gisa, 2004. urtean egin zuen bere lehen filma: Lad de små børn... (Aftermath) drama, alaba hil zaien bikote gazte baten trauma emozionalari buruzkoa. Hainbat jaialditan saritu zuten, besteak beste Lübeck Nordic Film Days eta Film by the Sea jaialdietan.

2009. urtean Outstanding Achievement in Acting saria eman zioten Hamptonseko zinema-jaialdian, eta emakumezko aktore onenari saria Karlovy Varyko jaialdian, Applaus (Martin Zandvliet, 2009) filmean egin zuen antzezpen bikainagatik.

Bere alderdi umoristikoa ere sarritan erakutsi du, hala nola Adams aebler (Adam’s Apples, Anders Thomas Jensen, 2005), Vikaren (The Substitute, Ole Bornedal, 2008), Den Du Frygter (Ez izan nire beldur, Kristian Levring, 2008) –Donostia Zinemaldiko Sail Ofizialerako hautatua–, Superclásico (Ole Christian Madsen, 2011), eta Den skaldede frisor (Love Is All You Need, Susanne Bier, 2012) filmetan.

2014. urtean emakumezko aktore onenaren Zilarrezko Maskorra irabazi zuen Donostia Zinemaldian, Bille August-en Stille hjerte (Silent Heart) filmean egindako lanari esker. Filmean, hiru belaunaldi amaren desira betetzeko elkartzen dira: gaixorik da ama, eta hil egin nahi du.

 

Babesle Ofiziala
Media Partner
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea