tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 63. Edizioa 2015  > Sariak eta Epaimahaiak > Kutxabank-Zuzendari Berriak Sariaren Epaimahaia > Francine Brücher
Francine Brücher
 

Frantzian jaioa, Francine Brücherrek atzerriko hizkuntzak ikasi zituen Lyongo Unibertsitatean. 1972an hasi zen zinemagintzan, nazioarteko salmenten buru gisa, Filmverlag der Autoren banaketa-enpresan; han, besteak beste, R.W. Fassbinder, Wim Wenders, Werner Chroeter, Alexander Kluge eta Edgair Reitz-en filmetaz arduratu zen. 1977an Munci Films sortu zuen, Alemaniako zinema independenteko filmak saltzen zituen enpresa bat.

Metropolis Film-en nazioarteko salmenta-sailaren buru izan zen, Zürichen, 1986tik 1993ra; 1994tik 1997ra bitartean, berriz, freelance salmenta-agente gisa aritu zen Parisen, Pierre Grise Productions etxearentzat. Urte horietan, Jacques Rivette, Otar Iosseliani eta Chantal Akermannen filmetaz arduratu zen. Garai horretan ere, hainbat zinema-jaialditarako egin zuen lan (Locarno, Rotterdam) eta Hanburgoko Film Fund-aren hautaketa-batzordeko kide izan zen.

1997an, Suitzako zinema atzerrian sustatzen duen Swiss Films fundazioarekin kolaboratzen hasi zen Zürichen. EAVE-MEDIA Programaren bi tailerretan parte hartu zuen, marketin aditu gisa. Luxenburgoko Film Fund-aren irakurketa-batzordeko kide da 2003tik. 2013ko urtarrilean Swiss Films ekoiztetxea utzi zuen. Ordutik, hainbat zinema-jaialditan epaimahaikide izan da. Gaur egun Munichen bizi da, produktore independenteentzako zinematografia-aholkularia gisa.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea