tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 63. Edizioa 2015  > Zinemaldiaren Egunkaria > Emily Watson Kursaaleko olatuak hausten
Emily Watson Kursaaleko olatuak hausten
Larunbata, 2015(e)ko irailaren 26

“Eskerrik asko Donostia!” behin eta berriz esan du Emily Watsonek Donostia saria José Luis Rebordinosen eskuetatik jaso duenean. Londresen jaiotako aktoreak zineman hasi zeneko garaia gogoratu eta harrez gero izandako bizitza eskertu du.

Soineko luze urdin ilunaz jantzita, Watsonek zera nabarmendu du: “nire lanbidean beste pertsona bat izaten saiatu naiz beti eta orain hemen bakarrik izatea oso zaila egiten zait, biluzik sentitzen naiz ni neronen papera eginez, aitzitik, bene-benetan diot guztiz eskertzen dudala honako ohorea”. Aktore saridunak azpimarratu duenez, “pelikula bat egitea lankidetza ekintza bat da”, beraz sekula ez zen Donostian izango lankide izan dituen pertsona horiengatik izan ez balitz.

“Filmaketa set batera joan nintzen estreinako aldia atzo izan zela iruditzen zait, lankidetza ordu mordoa isiltasun ikaragarrian bilduak, zuzendariak ‘ekin!’ esaten duen arte; eta orduan dena abiarazten da, filma ehuntzen, alfonbra magiko bat izango balitz bezala”, adierazi du antzezleak.

“Nire filmetan lankide izan diren guztiei bihotzez eskertu nahi diet berriro beraiekin jardutea izan den pribilegioa. Aktore naizenez zaurigarri sentitzen naiz eta zinemagintzan egin dudan guztia ezin egin nezakeen nire senarraren eta hogei urtez nire agente izan denaren babesik gabe”, amaitu du Watsonek.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea