tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 63. Edizioa 2015  > Zinemaldiaren Egunkaria > Idoloa izar pornoa denean
Idoloa izar pornoa denean
AFTER EDEN
Larunbata, 2015(e)ko irailaren 26

Kanadatik datorkigun zinta “ezberdin” honekin isten da aurtengo Zuzendari Berrien saila. Jaiotzez austriarra izanik Kanadan kokatu eta bertan lan egiten duen Hans Christian Berger gaztearen lehen film luzea da, bi pertsonaien inguruan garatzen den hitz gutxiko istorioa biltzen duena.

Alyssa Reece ezizeneko gazteak –berez Tanya Pankov du izena– helduentzako film pornoetan lan egiten duen Eve ausarta antzezten du. Ezin esan betebeharra ez duenik txukun burutzen, ez baitzaio batere harrotza Eve porno-aktorearen bizitza. Izan ere, Alyssak Penthouse, Hustler eta Vivid Entertainment etxeetarako lan egin ohi du eta eskarmendu handiko porno-antzezlea da. Bergerren aginduetara ez du askorik eraskutsiko, pornoaz atsegin duena kontatu egiten baitu, ekintzara pasa gabe.

Kamera txiki baten parean jarri eta, beti ere sofa batean eserita, Evek, kameraren atzetik elkarrizketa egiten ari zaionari, beldurrik gabe, lotsarik gabe, ausardiaz eta gero eta tonu lizunagoan, zer den sexuaz gehien atsegin duena adieraziko dio.

Bitartean, bada Everen atzetik izkutuan dabilen mutiko bat. Adam unibertsitari bakartia. Ez dakigu harekin itsu-itsu maitemindua delako izango den, obsesio huts bezala jarraitzen duen, ala. Gauza da, Adamek ez duela etsiko Everekin aurrezaurre jartzea lortu arte.

Horretara dator, hain zuzen, filmaren izenburua. Eve, Adam, eta paradisua. Hau da, “after Eden”, paradisuaren ondorengoa. Filmak, itxuran ez du ulertzeko zailtasun handirik, baina beharbada istorio txiki hori gehiegitxo luzatu izanagatik, edota Adam horri buruz ez gutxi adierazi izanagatik, ez du erraz lortzen ez Everen eta ez Adamen joan-etorrian ikusentzuleok beraien eskutik bidaiatzea. Hotzean jarraituko ditugu, eta luzaro. Errepikakor samarra ere bada, ustez.

Halaz eta guztiz ere, apustu orijinala egin izanagatik besterik ez bada ere, merezi du.

A.M.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea