tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 63. Edizioa 2015  > Zinemaldiaren Egunkaria > Lorcaren tragedia, berriro
Lorcaren tragedia, berriro
LA NOVIA
Larunbata, 2015(e)ko irailaren 26

F. García Lorcaren “Bodas de sangre” antzezlanaz hamaika bertsio egin dira gaurdaino. Batzuk antzerkian eta zineman besteak, Carlos Saurak 1981ean zuzendu zuen izenburu bereko musikala, tartean. Orain berriz, Paula Ortiz zuzendariak (De tu ventana a la mía, 2012), lan bera aukeratu du bere bigarren luzea filmatzeko.

Ortizek, txikitatik Lorcaren lanarekiko lotura berezi bat izan omen duena, zineman baino telebista sailetan azaldu izanagatik ospetsuak diren aktore batzuk bildu ditu, Inma Cuesta eta Alex García, eta Asier Etxeandia antzerkian, zinema eta telebistan ere maiz aritua, ezkontza bortitz baten inguruko melodrama erromantiko tragiko hau filmatzeko.Lorcaren klasikoaren bertsio askea da, oso askea.

Trama nagusia hirukote baten inguruan garatzen da: emaztegaia, senargaia eta Leonardo, neskaren betiko lagun eta senargai ohia. Andregaiak senargaia izango dena maite duen arren, Leonardorengandik oraindik sentitzen duen pasio berezia ezingo du ahaztu, ezta burutik kendu.

Tragedia honen kontakizunak une hunkigarri eta mingarriak ere biziaraziko dizkigu, berriro. Halere, iragarkien tankerako estetika horrek ez dio asko laguntzen berezko tragediaren sinesgarritasunari.

Hau izango da, zoritxarrez, Carlos Álvarez-Novoa nagusiaren azken lana, izan ere Donostian egindako estreinaldiaren bezperan hil egin baitzen. Benito Zambranoren Solas (1999) arrakastatsuan ezagutu genuen, eta film honetan andregaiaren aitarena egiten du.

A.M.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea