tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 64. Edizioa 2016  > Berriak > Maren Ade-ren ''Toni Erdmann'' filmarentzat izango da urteko film onenaren FIPRESCI 2016 saria; zuzendariak Donostia Zinemaldian jasoko du
Maren Ade-ren ''Toni Erdmann'' filmarentzat izango da urteko film onenaren FIPRESCI 2016 saria; zuzendariak Donostia Zinemaldian jasoko du
Asteartea, 2016(e)ko abuztuaren 23

Zinema Kritikarien Nazioarteko Federazioko (FIPRESCI) kideek Toni Erdmann filma izendatu dute urteko film onena. 2016ko FIPRESCI Sari Nagusiaren botazioan mundu osoko 475 kritikarik hartu dute parte, eta munduko estreinaldia 2015eko uztailaren 1a eta gero izan duten filmen artean egin dute aukeraketa. Toni Erdmann filma beste finalistei gailendu zitzaien: Jim Jarmusch-en Paterson eta Duke Johnson eta Charlie Kaufman-en Anomalisa.

Maren Ade (Karlsruhe, Alemania, 1976) saria irabazi duen lehen emakumezko zuzendaria da, 1999an sortu zutenetik. Harez gain, maila handiko hainbat zinemagilek jaso dute: Pedro Almodóvar, Michael Haneke, Cristian Mungiu, Aki Kaurismäki, Paul Thomas Anderson, Jean-Luc Godard, Richard Linklater eta George Miller, besteak beste.

Ade zuzendaria, gidoilaria eta ekoizlea da. Haren lehen lanak, Der Wald vor lauter Bäumen filmak, Epaimahaiaren Sari Berezia lortu zuen 2005eko Sundance zinema-jaialdiko World Cinema sailean. 2009an Alle anderen aurkeztu zuen Berlinalen. Toni Erdmann zuzentzen duen hirugarren film luzea da; Canneseko zinema-jaialdian estreinatu zen, eta 69. edizioko FIPRESCI saria ere jaso zuen han. Iragan ostiralean jakinarazi genuen moduan, filma Donostia Zinemaldiko Perlak sailaren barruan lehiatuko da. Orobat, Europako Parlamentuaren 2016ko LUX saria irabazteko hautagai bat da. The Match Factory arduratzen da filmaren nazioarteko banaketaz; Espainian, berriz, Golem etxeak banatuko du.

Maren Adek adierazi du: “Bereziki zorionekoa sentitzen naiz urteko ia film guztiak ikusi dituzten pertsonek aukeratu nautelako. Eskerrik asko Cannesen Toni Erdmann-i hasiera handi hori emateagatik”.

Maren Adek Zinemaldiko inaugurazio-galan jasoko du FIPRESCI Sari Nagusia; ostiralean egingo da, irailak 16, Kursaal Auditoriumean.

 

Toni Erdmann
Maren Ade  (Alemania - Austria)

Ines egoitza Bucaresten duen Alemaniako enpresa garrantzitsu batean dabil lanean. Bizimodu erabat ordenatua darama, bere aita Winfried bat-batean iritsi eta ustekabeko galdera bat egiten dion arte: ''Zoriontsua al zara?''. Ezin erantzunean, bizitza astinduko dio apur bat lotsarazten duen aita horren presentziak. Baina bere bizitzari berriz zentzua ematen lagunduko dio, alegiazko pertsonaia bati esker: Toni Erdmann alaia. Filmak FIPRESCI saria irabazi zuen Canneseko 2016ko zinema-jaialdian.

Bereizmen handiko irudiak

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea