Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 64. Edizioa 2016  > Sariak eta Epaimahaiak > Euskal Zinemaren Irizar Sariaren Epaimahaia > Anjel Lertxundi
Anjel Lertxundi
Euskal Zinemaren Irizar Sariaren Epaimahaia. Presidentea
 

Anjel Lertxundi (Orio, Gipuzkoa, 1948), idazlea eta kazetaria da izatez, eta lan egin izan du zineko eta telebistako gidoilari gisa ere. Literaturaren alorrean nobelagintza eta saioa landu izan ditu bereziki, eta bere obretan oinarritutako bi film zuzendu zituen (Hamaseigarrenean aidanez, 1985, eta Kareletik, 1987) euskal zinemagintzaren hastapenetan. Bere Zorion perfektua nobelan oinarritua dago Jabi Elortegiren izen bereko filma.

Saioaren alorreko Espainiako Sari Nazionala jaso zuen 2010 urtean Eskarmentuaren paperak lanarekin, eta Mentura dugun artean (2001) edo Italia, bizitza hizpide (2004) dira Lertxundiren beste bi saio aipagarri. Nobelagintzari dagokionez, bitan irabazi du Literaturako Euskadi Saria, 1983an Hamaseigarrenean aidanez nobelarekin eta 1999an Argizariaren egunak izenekoarekin. Halaber, bi aldiz jaso du Espainiako kritika saria narratibaren alorrean. Adituek diotenez, Otto Pette nobela giltzarria izan da euskara batuaren normalizazioaren bidean, eta erreferentzia ezinbestekoa euskal nobelagintza modernoan. Zu izeneko obra narratiboa du orain arteko bere azken lana. Lertxundiren obra gehienak itzuliak daude gaztelaniara, eta badu obra itzulia ingelesera, italierara, errusierara edo katalanera ere.

Euskaltzain urgazlea izateaz gainera, Euskal Idazleen Elkartearen sortzaileetako bat da eta bertako presidentea izan zen 1982-1985 urteetan. Donostiako Zinemaldiko Sail Ofizialeko epaimahaikide izan zen 1983 urtean.

 

Babesle Ofiziala
Media Partner
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea