tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 65. Edizioa 2017  > Sailak eta filmak
Sail Ofiziala
65. Edizioa 2017
Filmak
Filmak
Sail Ofiziala
Sail Ofiziala
Inaugurazioa (lehiaketa barruan)
Submergence
Wim Wenders
Alemania - Frantzia - Espainia 
Submergence Danielle Flinders-en eta James More-ren aurkako munduetara eramango gaituen amodio-istorio bat da. Halabeharrez ezagutuko dute elkar, Normandiako kostaldeko hotel urrun batean, biak beren misio arriskutsuetarako prestatzen ari direnean. Elkarrekin maiteminduko dira, ia-ia gogoz kontra, baina laster beren bizitzako maitea aurkituko dute bestearengan. Banantzen direne...

Submergence Danielle Flinders-en eta James More-ren aurkako munduetara eramango gaituen amodio-istorio bat da. Halabeharrez ezagutuko dute elkar, Normandiako kostaldeko hotel urrun batean, biak beren misio arriskutsuetarako prestatzen ari direnean. Elkarrekin maiteminduko dira, ia-ia gogoz kontra, baina laster beren bizitzako maitea aurkituko dute bestearengan. Banantzen direnean, Jamesek Britainia Handiko zerbitzu sekretuarentzat lan egiten duela jakingo dugu. Somalian misio batean dabil, Europa suntsitzen ari den terrorista suiziden sare baten arrastoari jarraitzeko. Danielle “Danny” Flinders, aldiz, gure planetako bizitzaren jatorria bilatzeko murgilketa-proiektu batean lanean ari den biomatematikaria da. Mundu oso batek aldentzen ditu elkarrengandik. Jihadista batzuek James bahituko dute, eta ezingo du Dannyrekin harremanetan jarri; hala, Danny ozeanoaren sakonenean barrenduko da, urperagarri batean, Jamesek bizirik jarraitzen duen jakin gabe ere…

Amaiera filma lehiaketaz kanpo
The Wife
Björn Runge
Suedia - Erresuma Batua 
Gizon handi baten atzean beti dago emakume are handiagoa… eta hura ezagutzear zaudete. Funtsezkoa da berau ezagutzea –gutako askok dagoeneko ezagutzen dugu, eta ez gara ohartu ere egin–. Joan Castleman: adimen handiko emakumea, edertasun oraindik ere liluragarrikoa, emazte deboto perfektua. Berrogei urtez sakrifikatu ditu bere talentua, ametsak eta anbizioak, bere senar J...

Gizon handi baten atzean beti dago emakume are handiagoa… eta hura ezagutzear zaudete. Funtsezkoa da berau ezagutzea –gutako askok dagoeneko ezagutzen dugu, eta ez gara ohartu ere egin–. Joan Castleman: adimen handiko emakumea, edertasun oraindik ere liluragarrikoa, emazte deboto perfektua. Berrogei urtez sakrifikatu ditu bere talentua, ametsak eta anbizioak, bere senar Joe karismadunaren sua eta ibilbide literario azkarra sustatzeko. “Artea” dela-eta haren desleialtasunak eta aitzakiak jasaten, ez ikusiarenak egiten, dotoretasunez eta umorez. Haien zorigaiztoko itunak desberdinkerian oinarritutako ezkontza-harremana eraiki du. Eta Joanek ezin du gehiago. Joeri Literaturako Nobel Saria ematekotan dira, obra ikusgarri baten kolofoi gisa. Bada, bezperan, Joanek muga joko du, eta bere bizitzako sakrifizio handienari eta senarraren lan-ibilbideko sekretu handienari aurre egin beharko dio. The Wife bidaia hunkigarri, dibertigarri eta emozionala da; feminitatearen, norberaren ezagutzaren eta askapenaren ospakizun bat.

Alanis
Anahí Berneri
Argentina 
Alanis prostituzioan aritzen da. Haurtxo bat du, eta bere lagun Giselarekin partekatzen du bizilekua. Bertan hartzen ditu bere bezeroak ere, baina egun batean bi polizia-inspektorek etxea itxi eta Gisela eramango dute, emakumeen salerosketa egotzita. Alanis gezurrez beterik iritsiko da bere izebaren lokalera, Miserere Plaza parean. Arraza anitzeko auzo bortitz horretatik, Alani...

Alanis prostituzioan aritzen da. Haurtxo bat du, eta bere lagun Giselarekin partekatzen du bizilekua. Bertan hartzen ditu bere bezeroak ere, baina egun batean bi polizia-inspektorek etxea itxi eta Gisela eramango dute, emakumeen salerosketa egotzita. Alanis gezurrez beterik iritsiko da bere izebaren lokalera, Miserere Plaza parean. Arraza anitzeko auzo bortitz horretatik, Alanisek ahaleginak egingo ditu bere duintasuna berreskuratu, bere lagunari lagundu eta bere semea zaintzeko. Kalean eskainiko du berak egiten dakiena, baina kaleak bere arauak ditu, eta Alanisek bere lekua aurkitzeko borrokatu egin beharko du.

Beyond Words
Urszula Antoniak
Polonia - Herbehereak 
Michael eta Franz, haren nagusi eta lagun mina, etxean bezala sentitzen dira Berlingo modako jatetxe, taberna eta klubetan. Itxuraz, haien artean ez dago desberdintasunik, baina Michaelek Poloniatik emigratu zuen bere amaren heriotzaren ostean, duela zenbait urte, eta oraindik ere arreta berezia jartzen dio bere azentuari. Poloniar bohemio zarpailtsu bat etxean agertzen zaionea...

Michael eta Franz, haren nagusi eta lagun mina, etxean bezala sentitzen dira Berlingo modako jatetxe, taberna eta klubetan. Itxuraz, haien artean ez dago desberdintasunik, baina Michaelek Poloniatik emigratu zuen bere amaren heriotzaren ostean, duela zenbait urte, eta oraindik ere arreta berezia jartzen dio bere azentuari. Poloniar bohemio zarpailtsu bat etxean agertzen zaionean, bere aita dela esanez, erabat ukituta geratuko da Michael. Ezin arrotzagoak dira aita-semeak, eta asteburu deserosoa biziko dute, enpatiaren, arbuioaren eta mesfidantzaren artean. Michaelek bere sustraiak aurkitu ahala, saihetsezina izango da krisi mingarria…

Der Hauptmann / The Captain
Robert Schwentke
Alemania - Frantzia - Polonia 
II. Mundu Gerraren azken uneetan, 19 urteko soldadu zarpailtsu eta gosetu batek kapitain baten uniformea lapurtuko du. Ofizial bat itxuratuz, desertore talde bat bilduko du eta bere bidean dagoen guztia hiltzen eta arpilatzen hasiko da, Alemania nazi astinduan zehar. El capitán filmarekin, berriz ere Alemaniara itzuli da Robert Schwentke gidoilari eta zuzendaria.

II. Mundu Gerraren azken uneetan, 19 urteko soldadu zarpailtsu eta gosetu batek kapitain baten uniformea lapurtuko du. Ofizial bat itxuratuz, desertore talde bat bilduko du eta bere bidean dagoen guztia hiltzen eta arpilatzen hasiko da, Alemania nazi astinduan zehar. El capitán filmarekin, berriz ere Alemaniara itzuli da Robert Schwentke gidoilari eta zuzendaria.

El autor / The Motive
Manuel Martín Cuenca
Espainia - Mexiko 
Álvarok idazlea izan nahi du, baina idazten duen guztia faltsua, harroputza eta graziarik gabea da. Sevillako notario-bulego batean idazlari dabil, eta ametsek soilik koloreztatzen dute haren bizitza grisa. Emaztea, Amanda, kontrakoa da erabat. Beti izan ditu oinak lurrean finkatuta, eta ez du inoiz idazle izatearekin amets egin. Hala ere, idazten jarriko da, eta best-seller b...

Álvarok idazlea izan nahi du, baina idazten duen guztia faltsua, harroputza eta graziarik gabea da. Sevillako notario-bulego batean idazlari dabil, eta ametsek soilik koloreztatzen dute haren bizitza grisa. Emaztea, Amanda, kontrakoa da erabat. Beti izan ditu oinak lurrean finkatuta, eta ez du inoiz idazle izatearekin amets egin. Hala ere, idazten jarriko da, eta best-seller bat aterako zaio. Bizitzaren ironiak. Ezinbestekoa izango da banaketa. Eta une horretan, Álvarok bere ametsa lortzen saiatzeko erabakia hartuko du: eleberri bikain bat idatzi nahi du. Baina ez da gauza izango, ez du ez talenturik ez irudimenik. Bere idazketa-irakasle Juanen gidaritzapean, nobelaren oinarriak arakatuko ditu; hala, fikzioa errealitatean oinarritzen dela konturatuko da egun batean. Eta Álvaro bere bizilagunak eta lagunak manipulatzen hasiko da, istorio bat sortzeko: benetako istorio bat, fikzioa ere gaindituko duena.

Handia
Aitor Arregi, Jon Garaño
Espainia 
Lehen Karlistaldian borrokatu ostean, Martin Gipuzkoako bere etxera itzuliko da, eta han, harrituta, bere anaia gazte Joakin ohikoa baino askoz ere handiagoa dela aurkituko du. Mundu osoak Lurreko gizon handiena ikusteko ordaindu nahi izango duelakoan, bi anaiek bidaia luze bati ekingo diote, Europan zehar. Bidean, anbizioak, diruak eta ospeak betirako aldatuko dute familiaren ...

Lehen Karlistaldian borrokatu ostean, Martin Gipuzkoako bere etxera itzuliko da, eta han, harrituta, bere anaia gazte Joakin ohikoa baino askoz ere handiagoa dela aurkituko du. Mundu osoak Lurreko gizon handiena ikusteko ordaindu nahi izango duelakoan, bi anaiek bidaia luze bati ekingo diote, Europan zehar. Bidean, anbizioak, diruak eta ospeak betirako aldatuko dute familiaren patua. Benetako gertakarietan oinarritutako istorio bat.

La douleur / Memoir of Pain
Emmanuel Finkiel
Frantzia 
Kutxa ahaztu batean bi koaderno zahar aurkitzen dituenean, bere iragana eta itxaronaldiaren min jasanezina gogoratuko du Marguerite Durasek. 1944ko Frantzian, nazien okupaziopean, idazle gazte bikainak aktiboki parte hartzen du Erresistentzian bere senar Robert Antelme-rekin batera. Gestapok Robert deportatzen duenean, hura itzul dadila lortzeko borrokari ekingo dio, etsi-etsia...

Kutxa ahaztu batean bi koaderno zahar aurkitzen dituenean, bere iragana eta itxaronaldiaren min jasanezina gogoratuko du Marguerite Durasek. 1944ko Frantzian, nazien okupaziopean, idazle gazte bikainak aktiboki parte hartzen du Erresistentzian bere senar Robert Antelme-rekin batera. Gestapok Robert deportatzen duenean, hura itzul dadila lortzeko borrokari ekingo dio, etsi-etsian. Harreman aztoragarria hasiko du Rabier kolaborazionistarekin, eta arrisku handitan sartuko da Robert salbatzeko, katuaren eta saguaren joko horretan Paris osoan zehar topaketak eginez, aurreikusi ezineko emaitzekin. Rabierrek benetan lagundu nahi dio? Edo, nazien aurkako talde klandestinoei buruzko informazioa lortu nahi du? Azkenean, gerra amaitu, eta biktimak eremuetatik itzuliko dira. Denboraldi jasanezina izango da beretzat, agonia luze eta isila, Parisen liberazioaren kaosaren ondoren. Baina zain jarraituko du, faltaren saminari kateaturik, baita itxaropenetik harago ere.

Le lion est mort ce soir / The Lion Sleeps Tonight
Nobuhiro Suwa
Frantzia - Japonia 
Frantziako hegoaldea. Gaur egun. Jeanek, iraganak harrapatutako aktore zahar batek, bere film berria zehaztu gabeko aldi baterako eten dela jakingo du. Lagun zahar bati bisita egiteko baliatuko du aukera, eta etxe abandonatu batean finkatuko da ezkutuan; bertan, beste garai batean, bere bizitzako amodioa bizi ohi zen, Juliette. Lagun talde batek, zinema ikasle batzuek, etxe ber...

Frantziako hegoaldea. Gaur egun. Jeanek, iraganak harrapatutako aktore zahar batek, bere film berria zehaztu gabeko aldi baterako eten dela jakingo du. Lagun zahar bati bisita egiteko baliatuko du aukera, eta etxe abandonatu batean finkatuko da ezkutuan; bertan, beste garai batean, bere bizitzako amodioa bizi ohi zen, Juliette. Lagun talde batek, zinema ikasle batzuek, etxe bera aurkitu eta hurrengo beldur-filma egiteko kokaleku ezin hobea dela erabakiko du. Lehenago edo beranduago, elkar topatuko dute Jeanek eta haurrek.

Le sens de la fête / C'est la vie!
Olivier Nakache, Éric Toledano
Frantzia 
Ezkongaientzat beren bizitzako gau garrantzitsuena da. Baina ekitaldian lan egiten dutenentzat –Max, catering enpresakoa; Guy, argazkilaria; James, abeslaria; eta gainerako langile guztiak– besteak bezalako gau bat besterik ez da. Pierrek eta Helenak erabaki dute Pariseko aldirietan dagoen XVIII. mendeko gaztelu eder batean ezkonduko direla. Festari jarraituko diogu, presta...

Ezkongaientzat beren bizitzako gau garrantzitsuena da. Baina ekitaldian lan egiten dutenentzat –Max, catering enpresakoa; Guy, argazkilaria; James, abeslaria; eta gainerako langile guztiak– besteak bezalako gau bat besterik ez da. Pierrek eta Helenak erabaki dute Pariseko aldirietan dagoen XVIII. mendeko gaztelu eder batean ezkonduko direla. Festari jarraituko diogu, prestatzeko lanetatik eguzkia atera arte, ia-ia denbora errealean, baina ezkontzan lan egiten dutenen begien bitartez soilik. Eta sorpresaz beteriko gaua izango da.

Licht / Mademoiselle Paradis
Barbara Albert
Austria - Alemania 
Viena, 1777. Maria Theresia Paradis haur prodijioak, 18 urteko pianista itsuak, ikusmena galdu zuen gau batean, hiru urte zituenean. Ezin konta ahala esperimentu medikok porrot egin ondoren, gurasoek Franz Anton Mesmer 'mirari mediku' polemikoaren etxaldera eramango dute; han, paziente xelebrez osatutako talde batekin bat egingo du. Mundu rokoko hartan, atseginez hartuk...

Viena, 1777. Maria Theresia Paradis haur prodijioak, 18 urteko pianista itsuak, ikusmena galdu zuen gau batean, hiru urte zituenean. Ezin konta ahala esperimentu medikok porrot egin ondoren, gurasoek Franz Anton Mesmer 'mirari mediku' polemikoaren etxaldera eramango dute; han, paziente xelebrez osatutako talde batekin bat egingo du. Mundu rokoko hartan, atseginez hartuko du etxaldeko giro liberala eta aske sentituko da lehenbizikoz, baina sumatzen hasiko da Mesmerren tratamenduak ikusmena itzultzen dion bitartean bere birtuosismo musikal preziatua ere galtzen ari dela…

Life and Nothing More
Antonio Méndez Esparza
Espainia - AEB 
Helduarora iristear dela, Andrewek helburu bat aurkitu nahi du beretzat, gazte afroamerikar gisa, gaur egungo Estatu Batuetan. Haren amak amatasunetik harago doan zerbait nahi du bere bizitzan; beraz, Andrewek bere gain hartu beharko du familiaren erantzukizunaren presio gero eta handiagoa. Bere aita aldenduarekin harremanetan jartzeko ahaleginak bidegurutze arriskutsu batera e...

Helduarora iristear dela, Andrewek helburu bat aurkitu nahi du beretzat, gazte afroamerikar gisa, gaur egungo Estatu Batuetan. Haren amak amatasunetik harago doan zerbait nahi du bere bizitzan; beraz, Andrewek bere gain hartu beharko du familiaren erantzukizunaren presio gero eta handiagoa. Bere aita aldenduarekin harremanetan jartzeko ahaleginak bidegurutze arriskutsu batera eramango du.

Love Me Not
Alexandros Avranas
Grezia - Frantzia 
Bikote batek etorkin gazte bat kontratatuko du alokairuko ama izateko eta bere txalet ederrera eramango du. Gizona kanpoan lanean ari dela, emakumearen eta neskaren arteko harremana estutzen joango da, bikotearen bizimodu aberatsaz gozatzen duten bitartean. Baina, bere alaitasun behartuaren atzean, emakumeak gero eta deprimituagoa dirudi. Neskarekin edanean aritu ondoren, gidat...

Bikote batek etorkin gazte bat kontratatuko du alokairuko ama izateko eta bere txalet ederrera eramango du. Gizona kanpoan lanean ari dela, emakumearen eta neskaren arteko harremana estutzen joango da, bikotearen bizimodu aberatsaz gozatzen duten bitartean. Baina, bere alaitasun behartuaren atzean, emakumeak gero eta deprimituagoa dirudi. Neskarekin edanean aritu ondoren, gidatzera aterako da. Hurrengo goizean, senarrak dei bat jasoko du: emaztea hilda dago, haren gorpu errea aurkitu dute suntsitutako autoan.

Ni juge, ni soumise / So Help Me God
Jean Libon, Yves Hinant
Frantzia - Belgika 
Anne Gruwez epaile aparteko eta zeharo ezohikoak bere benetako ikerketa kriminalen atzeko gelara eramango gaitu. Strip-Tease kultu-telesailaren atzean dagoen talde satirikoak, hiru urtez, ordura arte inor filmatzera ausartu ez dena harrapatu du bere kamerarekin. Aho bilorik gabe eta zuzentasun politikorik gabe. Ez duzue sinetsiko zuen begiek ikusten dutena. Ez da zinema: are ok...

Anne Gruwez epaile aparteko eta zeharo ezohikoak bere benetako ikerketa kriminalen atzeko gelara eramango gaitu. Strip-Tease kultu-telesailaren atzean dagoen talde satirikoak, hiru urtez, ordura arte inor filmatzera ausartu ez dena harrapatu du bere kamerarekin. Aho bilorik gabe eta zuzentasun politikorik gabe. Ez duzue sinetsiko zuen begiek ikusten dutena. Ez da zinema: are okerragoa da!

Pororoca
Constantin Popescu
Errumania - Frantzia 
Cristina eta Tudor Ionescu senar-emazteek familia zoriontsua osatu dute, bere bi seme-alaba Maria eta Ilie-rekin. Senarrak telefono-konpainia batentzat lan egiten du; emaztea kontularia da. Hogeita hamar urte inguru dituzte, eta Errumaniako hiri batean bizi dira, apartamentu polit batean. Bikote-bizitza arrunta daramate seme-alabekin. Baina igande goiz batean Tudorrek seme-alab...

Cristina eta Tudor Ionescu senar-emazteek familia zoriontsua osatu dute, bere bi seme-alaba Maria eta Ilie-rekin. Senarrak telefono-konpainia batentzat lan egiten du; emaztea kontularia da. Hogeita hamar urte inguru dituzte, eta Errumaniako hiri batean bizi dira, apartamentu polit batean. Bikote-bizitza arrunta daramate seme-alabekin. Baina igande goiz batean Tudorrek seme-alabak parkera eramango ditu, eta Maria desagertu egingo da. Bat-batean, betirako aldatuko zaie bizitza.

Soldaţii. Poveste din Ferentari / Soldiers. Story from Ferentari
Ivana Mladenovic
Errumania - Serbia - Belgika 
Adi neska-lagunak utzi berri duen antropologo gazte bat da. Ferentarira joango da (Bukaresteko auzo pobreena), maneleari (erromani komunitatearen pop musika) buruzko tesi bat idaztera. Gaiari buruz ikertzen ari den bitartean, Alberto preso ohi erromania ezagutuko du, eta hark lagundu egingo diola hitz emango dio. Gutxi barru maitasun-harreman batean hasiko dira biak. Adik pobre...

Adi neska-lagunak utzi berri duen antropologo gazte bat da. Ferentarira joango da (Bukaresteko auzo pobreena), maneleari (erromani komunitatearen pop musika) buruzko tesi bat idaztera. Gaiari buruz ikertzen ari den bitartean, Alberto preso ohi erromania ezagutuko du, eta hark lagundu egingo diola hitz emango dio. Gutxi barru maitasun-harreman batean hasiko dira biak. Adik pobreziatik ateratzeko animoak emango dizkio, nekez lortzeko moduko planak proposatuz, eta Albertok ondo landutako amodio-hitzen bitartez erantzungo dio. Dirua amaitzen denean, apartamentu batean harrapatuta geratuko dira, irabazlerik gabeko beharrizan eta botere-joko batean elkar maitatzen eta erabiltzen duten bitartean.

Sollers Point
Matthew Porterfield
AEB - Frantzia 
Keith, 24 urteko gazte bat, baldintzapeko askatasunean dago espetxean urtebete eman ondoren, eta aitaren etxean bizi da. Baltimoreko bere auzoa gizarte-maila zorrotzetan banatuta dago; bertan, lanaren eta bere bizitzari zentzua emango dion zerbaiten bila dabil Keith. Kanpoko munduak baditu bere arriskuak, baina Keithen etsai handienak bere baitan bizi diren deabruak dira.

Keith, 24 urteko gazte bat, baldintzapeko askatasunean dago espetxean urtebete eman ondoren, eta aitaren etxean bizi da. Baltimoreko bere auzoa gizarte-maila zorrotzetan banatuta dago; bertan, lanaren eta bere bizitzari zentzua emango dion zerbaiten bila dabil Keith. Kanpoko munduak baditu bere arriskuak, baina Keithen etsai handienak bere baitan bizi diren deabruak dira.

The Disaster Artist
James Franco
AEB 
The Disaster Artist, James Francorena, The Room filmaren making-ofari buruzko benetako istorioa da; izan ere, The Room “pelikula txarren Citizen Kane”a dela esan izan da. Tommy Wiseau-ren kultu-film klasikoa hamar urtean baino gehiagoan proiektatu da, sarrera guztiak agorturik, Ipar Amerika osoko aretoetan. The Disaster Artist amets baten bila doazen bi lagun moldatu g...

The Disaster Artist, James Francorena, The Room filmaren making-ofari buruzko benetako istorioa da; izan ere, The Room “pelikula txarren Citizen Kane”a dela esan izan da. Tommy Wiseau-ren kultu-film klasikoa hamar urtean baino gehiagoan proiektatu da, sarrera guztiak agorturik, Ipar Amerika osoko aretoetan. The Disaster Artist amets baten bila doazen bi lagun moldatu gaberi buruzko buddy comedy bat da. Munduak bazter uzten dituenean, beren filma egiteko erabakia hartuko dute, eta film zoragarriki zatarra izango da, nahi gabe bizi dituzten une komikoei, trama sakabanatuei eta antzezpen erabat txarrei esker.

Una especie de familia / A Sort of Family
Diego Lerman
Argentina - Brasil - Polonia - Frantzia 
Malena erdi-mailako klaseko sendagilea da Buenos Airesen. Arratsalde batean Costas doktorearen deia jasoko du: esaten duenez, berehala bidaiatu behar du herrialdeko iparraldera, espero zuen haurtxoa jaiotzear da eta. Bat-batean eta ia-ia pentsatu gabe, Malenak zalantzaz eta bidegurutzez jositako bidaia bati ekiteko erabakia hartuko du. Bidean orotariko oztopo legal eta moralei ...

Malena erdi-mailako klaseko sendagilea da Buenos Airesen. Arratsalde batean Costas doktorearen deia jasoko du: esaten duenez, berehala bidaiatu behar du herrialdeko iparraldera, espero zuen haurtxoa jaiotzear da eta. Bat-batean eta ia-ia pentsatu gabe, Malenak zalantzaz eta bidegurutzez jositako bidaia bati ekiteko erabakia hartuko du. Bidean orotariko oztopo legal eta moralei egin beharko die aurre, eta bere buruari etengabe galdera hau egitera eramango dute Malena: zer muga zeharkatzeko prest dago bere irrika biziena lortzeko?

La peste / The Plague
Alberto Rodríguez
Espainia 
Lehiaketatik kanpo
Izurri beltzaren plaga batean, 1587ko Sevilla distiratsuan, militar ohi bat hirira itzuliko da, hitz emandakoa bete nahian, hildako lagun min baten semea aurkitu eta handik ateratzeko. Mateok hiritik ihes egin behar izan zuen bere bizitza salbatzeko. Inkisizioak heriotza-zigorra ezarri zion debekatutako liburuak inprimatzeagatik. Bere helburua lortu aurretik, inkisidorearen agu...

Izurri beltzaren plaga batean, 1587ko Sevilla distiratsuan, militar ohi bat hirira itzuliko da, hitz emandakoa bete nahian, hildako lagun min baten semea aurkitu eta handik ateratzeko. Mateok hiritik ihes egin behar izan zuen bere bizitza salbatzeko. Inkisizioak heriotza-zigorra ezarri zion debekatutako liburuak inprimatzeagatik. Bere helburua lortu aurretik, inkisidorearen aguazilek atxilotu egingo dute. Inkisidoreak hitz emango dio bizitza barkatuko diola, baldin eta Sevillan gertatzen ari den eta deabrukeria kutsua duen krimen sorta bat argitzen badu.

Marrowbone
Sergio G. Sánchez
Espainia 
Lehiaketatik kanpo
Jack eta bere hiru anaia-arrebak Marrowbone izeneko landetxe zaharrean aurrera ateratzeko ahaleginetan ari dira. Ama garaia baino lehen hil zen; kolpe latza izan bazen ere, lauek beren neurrirako babesleku bat sortu dute labirinto-itxurako leku urrun horretan, kanpoko mundutik gordeta eta inongo helduren laguntzarik gabe. Batera jarraitzen dute, amaren azken nahia beterik, bain...

Jack eta bere hiru anaia-arrebak Marrowbone izeneko landetxe zaharrean aurrera ateratzeko ahaleginetan ari dira. Ama garaia baino lehen hil zen; kolpe latza izan bazen ere, lauek beren neurrirako babesleku bat sortu dute labirinto-itxurako leku urrun horretan, kanpoko mundutik gordeta eta inongo helduren laguntzarik gabe. Batera jarraitzen dute, amaren azken nahia beterik, baina mehatxatzen dien arriskua ez dago etxe kanpoan. Zarata arraroak eta gertakari ulertezinak Marrowboneko horma zaharrak astintzen hasiko dira, anai-arrebek madarikazio zahar bat atzetik balute bezala. Etxean jarraitzea beste aukerarik gabe, mehatxupean dituen presentzia zitala garaitzeko modua aurkitu beharko dute lau anaia-arrebek.

Au revoir là-haut / See You Up There
Albert Dupontel
Frantzia 
Emanaldi Bereziak
1919ko azaroa. Lubakietatik bizirik atera diren gizon bik iruzur bat antolatuko dute gerrako hildakoen monumentuen inguruan. Haietako bat primerako ilustratzailea da; bestea, kontulari xumea. Hogeiko hamarkadako Frantziako urte zoroetan, haien operazioa arriskutsu bezain ikusgarri bihurtuko da. Pierre Lemaitre idazlearen Au revoir là-haut eleberriaren egokitzapena (Goncourt Sa...

1919ko azaroa. Lubakietatik bizirik atera diren gizon bik iruzur bat antolatuko dute gerrako hildakoen monumentuen inguruan. Haietako bat primerako ilustratzailea da; bestea, kontulari xumea. Hogeiko hamarkadako Frantziako urte zoroetan, haien operazioa arriskutsu bezain ikusgarri bihurtuko da. Pierre Lemaitre idazlearen Au revoir là-haut eleberriaren egokitzapena (Goncourt Sariaren irabazlea).

Morir / Dying
Fernando Franco
Espainia 
Emanaldi Bereziak
Luisen eta Martaren bizitzak bat-batean geldituko dira. Gezurrek, erruak eta beldurrak proban jarriko dute bikotearen egonkortasuna.

Luisen eta Martaren bizitzak bat-batean geldituko dira. Gezurrek, erruak eta beldurrak proban jarriko dute bikotearen egonkortasuna.

Uchiage hanabi, shita kara miruka? Yoko kara miruka? / Fireworks, Should We See It from the Side or the Bottom?
Akiyuki Shinbo, Nobuyuki Takeuchi
Japonia 
Emanaldi Bereziak
Udako oporrak itsas aldeko herri batean. Su artifizialen festaren bezperan ikaskide batzuk eztabaida bizian dira, ea suak borobilak edo lauak diren albotik ikusten badira. Nazuna, Norimichik gustuko duen ikaskidea, bere pentsamenduetan galduta dago; izan ere, jakin berri du amak eskolaz aldaraziko diola, berriz ezkontzekotan baita. Nazunak elkarrekin ihes egiteko eskatuko dio N...

Udako oporrak itsas aldeko herri batean. Su artifizialen festaren bezperan ikaskide batzuk eztabaida bizian dira, ea suak borobilak edo lauak diren albotik ikusten badira. Nazuna, Norimichik gustuko duen ikaskidea, bere pentsamenduetan galduta dago; izan ere, jakin berri du amak eskolaz aldaraziko diola, berriz ezkontzekotan baita. Nazunak elkarrekin ihes egiteko eskatuko dio Norimichiri, baina amak harrapatu eta etxera eramango du Nazuna. Norimichik ezin du begiratu besterik, ezinean eta alferrik. Nazuna ez laguntzeagatik frustraturik, Nazunak hondartzan aurkitutako bola misteriotsu bat jaurtiko du Norimichik. Bat-batean, denborak atzera egingo du, Nazuna etxera joatera behartua izan baino lehenagoko unera… Zer gordetzen du patuak Nazuna eta Norimichirentzat behin eta berriz errepikatzen den egun horren amaieran? Suek zerua pizten dutenean, maitasunaren miraria suertatzen da.

Wonders of the Sea 3D
Jean-Michel Cousteau, Jean-Jacques Mantello
Erresuma Batua - Frantzia 
Emanaldi Bereziak
Hiru urtean zehar 3Dn filmatua, hasi Fiji irletatik eta Bahametaraino, film honek bidaia zirraragarri batean murgiltzen gaitu, gure planetaren azaleraren %71 estaltzen duten ozeanoetan urperatuz. Arnold Schwarzenegger-ek, The Terminator eta Total Recall filmeen protagonista mitikoak, ekoitzitako eta kontatutako dokumental ikusgarria. Ikusleari itsasoko altxorren eta horiek...

Hiru urtean zehar 3Dn filmatua, hasi Fiji irletatik eta Bahametaraino, film honek bidaia zirraragarri batean murgiltzen gaitu, gure planetaren azaleraren %71 estaltzen duten ozeanoetan urperatuz. Arnold Schwarzenegger-ek, The Terminator eta Total Recall filmeen protagonista mitikoak, ekoitzitako eta kontatutako dokumental ikusgarria. Ikusleari itsasoko altxorren eta horiek gordetzeko beharraren inguruko kontzientzia harrarazi nahi dion film bat. Zuzendarikideetako bat zientziaren zabalkundearen aitzindari enblematikoaren, Jacques-Yves Cousteauren, semea izan da.

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea