tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 65. Edizioa 2017  > Sariak eta Epaimahaiak > Euskal Zinemaren Irizar Sariaren Epaimahaia > Itxaro Borda
Itxaro Borda
Presidentea
 

Itxaro Borda idazleak bere lehen lana 1984an plazaratu zuen: Maiatz elkartearekin Bizitza nola badoan izeneko poema bilduma. Hamaika bider, olerki liburuak eta nobelak tartekatu ditu bide luzea eginez euskal literaturaren alorrean.

Aipagarrienak, besteak beste: Udaran betaurreko beltzekin (1987, Txertoa), Urtemuga lehorraren kronika (1989, Maiatz), Bestaldean (1992), Orain (1999, Susa), Hiruko (2003, Alberdania), Zeruetako erresuma (2005, Susa). Amaia Ezpeldoi detektibe lesbianari buruzko bost eleberri argitaratu ditu 1994 eta 2015 artean Susa eta Maiatz editorialetan.

2002an Euskadi Literatura Saria eman zioten %100 Basque (Susa) eleberriarengatik. Nobela zenbait eta poema asko hizkuntza anitzetara itzuliak dira, frantsesera idazleak berak auto-itzulpenaz egiten duelarik. Euskal prentsan kolaboratzen du 1977az geroztik (Herria, Argia, Egin, Gara, Berria...) eta hainbat musika talderentzat ere letrak izkiriatu ditu. Bere azken lana, Odolak su gabe diraki antzerkia, 2017an atera da Maiatz argitaletxean.

Historia ikasi du Paueko Unibertsitatean. Postari lanarengatik Parisen eta Maulen bizi izan da. Dagoeneko Baionan errotua da, bertan eta bertatik idazten jarraitzen duela.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea