tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 65. Edizioa 2017  > Sariak eta Epaimahaiak > Horizontes Sariaren Epaimahaia > Lina Paola Rodríguez Fernández
Lina Paola Rodríguez Fernández
 

Lina Rodríguez hamar urtez izan da Latinoamerikako ekitaldi zinematografiko zaharrenaren eta indartsuenetako baten zuzendari nagusia; hots, Indietako Cartagenako Nazioarteko Zinema Jaialdiarena. Hamarraldi horretan, aliantza publiko-pribatuekin batera, zinema-jaialdia demokratizatzen saiatu da, hainbat programaren eta doako zinema-kanpainen bidez. Horiek horrela, baliabide eta irispide urriak dituzten Kolonbiako lurraldeetara hedatu du zazpigarren artea.

Kultura-kudeatzaile lanetan bete duen zeregina zinema-jaialditik harago joan da, eta FICCI Kolonbiako Kultura Ondaretzat aitor dadila lortu du. Horrenbestez, Cartagenako eta herrialdeko ekonomia eta gizartea bultzatzeko apustu gisa finkatu du.

Cine en los Barrios, Barrios al cine eta, berriki, FICCI Móvil moduko programak ezarriz, zinema-jaialdia Cartagenatik ateratzea eta herrialdeko lurrak igarotzea lortu du, komunitateekin zuzeneko harremana izan dezan eta mugimenduan dauden irudietarako irispidea erabat demokratiza dadin. Horrez gain, baketze-jarduera gauzatu du indarkeriak hartutako komunitateetan, non zinemaren argiak ohiz kanpoko eremuetan elkartu baititu.

Lina Rodríguez ziur da gizarte-ehuna eratzeko tresna pedagogikoa dela FICCI, eta Kolonbiako kultura-eskaintzaren barruan ekitaldi nabarmena izatetik harago doala: hain zuzen ere, ikus-entzuleei mundua zinemaren bitartez ezagutzeko aukera ematen dien autokritika eta gogoeta-prozesua da.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea