tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 65. Edizioa 2017  > Sariak eta Epaimahaiak > Kutxabank-Zuzendari Berriak Sariaren Epaimahaia > Javier Porta Fouz
Javier Porta Fouz
 

Gizarte Komunikazioko Zientzietako lizentziaduna Buenos Aireseko Unibertsitatean, eta prestakuntza nagusiki zinema-aretoetan jaso duen zinemazalea. 2001etik BAFICIn lan egiten du, 2005etik programatzaile gisa eta 2016tik zuzendari artistiko gisa. Gainera, zinema-aretoetako programazioaren arduraduna izan da hamalau ediziotan, baita zinema-jaialdiko katalogoaren eta egunkariaren editorea ere.

Qubit.tv VOD-plataforman edukien kuradore izan da 2011. urtean sortu zenetik, eta La Nación egunkarian eta Hipercrítico aldizkarian zutabegile eta zinema-kritikari dihardu.

1998an El Amante-Cine aldizkarian erredaktore-lanetan hasi, eta 2003. urtetik aurrera editorea eta zuzendaria izan da. Besteak beste, Clarín, Rolling Stone eta Le Monde diplomatique aldizkarietan kolaboratzaile izan da.

Hizpide dituen gaiak, film eta zinema-zuzendariez gain, ekonomia eta politika zinematografikoen arlora jo ohi dute, eta batzuetan, tentaldian erori, eta Argentinako gastronomia eta elikadura ohituren inguruan polemizatzen eta zirikatzen du. Aurten lehenbizikoz bete ditu aktore lanak; izan ere, Cine Terapia izeneko websailaren protagonista izan da.

Lehen, bigarren eta goi-mailako hezkuntzako irakaslea izan da, baita Estudio crítico sobre El aura liburuaren egilea eta El libro de oro del helado argentinoren egilekidea ere. Askotariko argitalpenetan idatzi du egile eta gai hauen inguruan: Tsai Ming-Liang, Julio Cortázar, Txileko Zinema Berria, Fernando Solanas, Abbas Kiarostami, Leonardo Favio, Lucrecia Martel eta Argentinako Zinema Berria. Argentinan, Txilen, Frantzian, Espainian eta Polonian argitaratu dira haren testuak. Ikastaroak eta hitzaldiak eman ditu Mexikon, Txilen eta Espainian, eta hainbat zinema-jaialditan programatzaile gonbidatua izan da.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea