tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 68. Edizioa 2020  > Zinemaldiaren Egunkaria > Emakumeak adoretu ditu Bilbatuak
Zinemaldiaren Egunkaria » Zinemaldia
Emakumeak adoretu ditu Bilbatuak
EUSKAL ZINEMAREN GALA
Asteazkena, 2020(e)ko irailak 23

Urtero legez, Victoria Eugenia antzokian ospatu zen atzo Euskal Zinemaren Gala. Bertan, Sara Bilbatua casting zuzendari eibartarrak Zinemira saria jaso zuen eta antzokian bildutako ikusleek Bizimina filmaren estreinaldiaren lekuko ere izan ziren.


Mikel Laboaren ‘Antzinako bihotz’ pieza dantza taupada bihurtuta hasi zen gala, euskal zinemagintzaren berezko izaeraren metafora gisa. Sarrerakoak igarota, Sara Bilbatuari omenaldia egin zitzaion presentzialki zein bideo bidez. Izan ere, casting zuzendariaren lankide eta lagun ugarik bidalitako bideoak ikusi ahal izan ziren antzokiko pantaila erraldoian. Jaime Rosales, Chus Gutiérrez, Guillermo del Toro, Juanma Bajo Ulloa eta Carlos Vermut zuzendariek, Esther García ekoizleak, Josean Bengoetxea aktoreak eta Espainiako Zinema Akademiako presidente Mariano Barrosok errespetuzko eta maitasunezko hitzak eskaini zizkioten Bilbatuari.


Sara Bilbatuak Aizpea Goenagaren eskutatik jaso zuen Zinemaldiak eta Ibaia eta EPE/APV ekoizleen elkarteek euskal zineman nabarmena izan den pertsona bati ibilbidea aitortzeko ematen dioten ohorezko saria.

Merezimendua jasotzean, lehenik eta behin, CIMA (Asociación de Mujeres Cineastas de Medios Audiovisuales) izan zuen gogoan Bilbatuak “emakumeak bultzatzeagatik eta komunikabideetan ikusgarri egiten laguntzeagatik”. Orohar, emakumeak zineman lan egitera animatu zituen, batik bat idazle moduan. “Oso inportantea da gure gizartea hobetzeko”, adierazi zuen. Besteak beste, Xabi Bandiniren eta Kukai Dantza Taldearen aktuazioekin osatu zen Euskal Zinemaren Gala.


Irene Elorza

 
Bizimina.
Bizimina.

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea