tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 68. Edizioa 2020  > Zinemaldiaren Egunkaria > Barneko iparrorratzak ez du hutsik egiten
Zinemaldiaren Egunkaria » Zinemira
Barneko iparrorratzak ez du hutsik egiten
NORA
Ostirala, 2020(e)ko irailak 18

Nora filmaren estreinaldiak abiatuko du, gaur, Zinemira saila. Lara Izagirreren bigarren lan luzea Donostia Zinemaldiko Koprodukzio Fororako hautatua izan zen 2018an eta bi urte beranduago aurkeztuko da jaialdiaren baitan. “Pixka bat urduri nago baina ilusio handiarekin”, aitortu du Izagirrek, “urte nahasia, desberdina eta arraroa izaten ari da denontzat eta hau urteko oparia da; filma Zinemaldian erakusteak urduri eta zoriontsu egiten nau”. Aitona galdu ostean, neska batek bere buruaren bila egingo duen bidaia kontatzen du filmak. Komedia eta dramaren artean mugitzen da road- -trip gazi-gozoa. “Komedia handiago bat izango zela uste nuen baina nik, nire lan egiteko moduagatik, tonua neurtzen joan nintzen”, adierazi du Izagirrek, “gidoiak bazuen tonu berezi hori islatzea lortu dugu modu natural batean, bai grabazioan baita muntaketan ere”. Itxuraz noraezean dabilen Nora protagonistak existentzia-krisi batean murgilduta dago. Galdera potolo bat dauka filmak atzetik: benetan galdetu al diozu zure buruari zer izan nahi duzun eta zer egin nahi duzun? “Norarengandik gustatzen zaidana da ez dela ez oso ausarta ez oso beldurtia, arrunta dela eta bere buruari aukera ematen diola” azaldu du zinemagileak.

Nora filmak bere aurreneko lanarekin baduela harremana aitortzen du zinegile bizkaitarrak: “Neba-arrebak bezalakoak dira biak, baina oso ezberdinak dira; Un otoño sin Berlín (2015) oso udazkenekoa zen, barrura begiratzen zuena, apur bat tristea; Nora, berriz, arinagoa, alaiagoa, bisualki ederragoa da ia osorik kanpoan errodatuta dagoelako”. Bizitzako momentu jakin batzuen isla dira biak ala biak, zinemagile bizkaitarraren aburuz.

Aktoreen lan sendoa

Aktoreekin lan egiteko modu pertsonala du Izagirrek. Entsegu asko, inprobisazio saioak eta eszenak deseraikitzeko ariketa ugari egiten ditu. “Ane Pikazak eta gainontzeko aktore guztiek sekulako paperak sortu dituzte”, adierazi du zinegileak. “Konturatu naiz sekulako aktoreak daudela Euskal Herrian, euskaraz egiten dutenak gainera. Oso pozik nago denekin, oso polita izan da oso eskuzabalak izan direlako”, dio.


I.E.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea