Andrés Di Tella argentinarrak (Buenos Aires) Montoneros, una historia (1995), Macedonio Fernández (1995), Prohibido (1997), La televisión y yo (2003), Fotografías (2007), El país del diablo (2008), Hachazos (2011), ¡Volveremos a las montañas! (2012), 327 cuadernos (2015) eta Ficción privada (2019) film luze dokumentalak zuzendu ditu (azken biak Zabaltegi-Tabakaleran estreinatuak). Reconstruyen crimen de la modelo (1990) film laburrak sari ugari jaso zituen eta hainbat museoren bildumakoa da. Instalazioak, bideoarte-piezak eta performanceak ere egin ditu. Era berean, BAFICI Buenos Airesko zinema independentearen jaialdiaren sortzailea eta lehen zuzendaria izan zen. 2016an Zinemaldiko Horizontes Sariaren Epaimahaiko kide izan zen.