tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea  > Prentsa > Prentsa zerbitzuak
Prentsa zerbitzuak
 

ORDUTEGIAK

  • Prentsa Bulegoa
    Kursaal Elkargunea - 4. aretoa
    Ordutegia: 9:00etatik 20:00etara
  • Akreditazioak jasotzeko
    Irailaren 19tik aurrera.
    Kursaal Elkargunea – Akreditazioen mahaia
    Ordutegia: 8:00etatik 20:00etara
  • Akreditatuen leihatila
    Kursaal Elkargunea – Kursaal Elkarguneko erabilera anitzeko aretoen atondoan, kutxatilategien alboan
    Ordutegia: 8:00etatik 20:00etara
  • Kutxatilategiak
    Kursaal Elkargunea
    Ordutegia: 9:00etatik 20:00etara
  • TB Klipen informazioa
    Kursaal Elkargunea - 5. aretoa
    Ordutegia: 9:00etatik 20:00etara
  • Erredakzio aretoa
    Kursaal Elkargunea - 6. aretoa
    Ordutegia: 9:00etatik 20:00etara
    Gala egunetan erredakzio aretoaren ordutegia luzatu egingo da.
  • Argitalpenen Mahaia
    Kursaal Elkargunea
    Ordutegia: 8:0etatik 20:00etara
  • Elkarrizketa Zerbitzua
    María Cristina hotelean - Zubia aretoa
    Ordutegia: 9:00etatik 20:00etara

WHAT'S NEW

  • Gonbidapenak jasotzea
    Akreditatuen lehiatila Kursaal Elkarguneko erabilera anitzeko aretoen atondora eramango da, Kursaal Elkarguneko kutxatilategien alboan, eta 8:00etatik 20:00etara luzatuko da ordutegia. Han jaso ahal izango dituzu gonbidapenak, bezperako 8:00etatik emanaldiaren eguneko 15:00etara arte. Lehiatilen alboan, sarrerak eskatzeko erabili ahal izango dituzun inprimakiak aurkituko dituzu. Inprimakia behar bezala bete duten pertsonak artatuko dira soilik.
  • Prentsa-emanaldien aretoak
    Kursaal 1en, Victoria Eugenian eta Antzoki Zaharrean ez ezik, Príncipe zinema-aretoetan ere egingo dira prentsa-emanaldiak. Kontsultatu zer emanaldietara sar zaitezkeen zure akreditazioaren azalpenean 'Nire Zinemaldia' atalean, baita egunero zinema eta ordutegiak baieztatzeko prentsa-emanaldiei buruz emango den informazioa ere, Zinemaldiaren komunikazio-kanaletan.
  • Zinemaldiaren Elkarguneak
  • Puxika Gorria / El Globo Rojo, Zinemaldiko akreditatuentzako haurtzaindegia. 6 hilabetetik 6 urtera bitarteko haurrak. San Telmo Museoa, irailaren 20tik 28ra, 10:00etatik 20:00etara. Informazio gehiago lortzeko eta izena emateko: ParentingAtFilmFests@gmail.com

ZERBITZUAK

  • Prentsarako informazio puntua kutxatilategien gunean.
  • Kutxatilategi birtuala
    Webgune ofizialaren barruko gune honetan, ekoizpen-etxeek emandako sustapen-materiala biltzen da (pressbookak, irudiak, audio- eta bideo-klipak), baita galen laburpenak eta Zinemaldiaren goiburuak ere. Sarrera: 'Nire Zinemaldia' gunera sartzeko erabiltzaile-kodearen bitartez.
  • TB Klip-en informazioa
    Kutxatilategi birtualaren erabilerari buruzko aholkuak.
  • Kutxatilategiak
    Zinemaldiak kutxatilategien bidez ekoizpen-etxeek emandako sustapen-materiala banatzen du, baita akreditatuentzako bestelako informazio-interesgarria ere. Giltza akreditazioa erakutsi ostean ematen da. Zinemaldia amaitzen denean giltza bueltatu egin behar da.
  • Elkarrizketak koordinatzea
    Zinemaldiak kudeatzen dituen prentsa-agenteen, filmen eta pertsonen zerrenda Zinemaldiaren webgune ofizialean dago, 'Prentsa' atalean.
    Zinemaldiak hitzartzen dituen elkarrizketak hilaren 16tik aurrera eskatu daitezke, 'Nire Zinemaldia' atalera zure erabiltzaile eta pasahitzarekin sartu ondoren.
    Zinemaldiak hitzartzen dituen elkarrizketentzat ingeleserako eta frantseserako itzultzaileak egongo dira, aldez aurretik eskatuz gero.
  • Erredakzio aretoa
    Erredakzio aretoan jatea, edatea edo telefonoz hitz egitea debekatuta dago.
    Ekipamenduak:
    • Internet konexioa duten ordenagailuak
    • Inprimagailuak
    • Ordenagailu eramangarriak konektatzeko mahaiak
    • Erreportari grafikoentzako konexio bereziak.
      Gala egunetan erredakzio aretoaren ordutegia luzatu egingo da.
  • Wifi Sarea
    Akreditatuek WiFi sarea dohainik izango dute Kursaal zentroan.
    • Erabiltzailea: zinemaldia
    • Pasahitza: 2019

KOMUNIKAZIO KANALAK

  • Webgune ofiziala
    Zinemaldiko jarduera guztien inguruko informazio eguneratua: Albisteak, filmak, programazioa, bideoak, zuzeneko igorpenak eta Zinemaldiaren telebistaren 24 orduko seinalea, irudi-galeriak eta hiriari buruzko informazio praktikoa. Bertaratutakoen zerrendara ere sartu daiteke 'Nire Zinemaldia' ataleko Who is Where gunean.
  • App Ofiziala
    iOS eta Androidekin erabil daiteke. App Store eta Google Playn doan deskarga daiteke. Bertan, albisteak, filmen fitxak, programazioa, bideoak, irudi-galeriak eta tokiko zerbitzuei buruzko informazio praktikoa aurkituko duzu.
    Aplikazioak programazioa planifikatzeko aukera eskaintzen du. Zerbitzu honen bidez, ikusi nahi dituzun pelikulen ordutegiak antolatu ahal izango dituzu: gehien gogoko dituzun hitzorduak gogokoen artean gordetzen badituzu, zure timeline-ean agertuko dira. Aplikazioak alertak jasotzeko aukera eskaintzen du, zuk aukeratu dituzun saioak baino lehen. 
    Eduki publikoez gain, erreserbatutako edukietara sarbidea izango duzu 'Nire Zinemaldia' atalera zure akreditatu kontuarekin sartuta.
  • Zinemaldia egunkaria
    Donostia Zinemaldiak argitaratutako egunkaria Kursaaleko kutxatilategietan, hoteletan eta zinema-aretoetan eskura daiteke.
  • Ohola
    Kursaal zentroko kutxatilategien inguruan daude. Eguneko programazio eta jarduerari buruzko informazio osoa, filmetako taldeak zein ordutan iritsiko diren, prentsaurrekoak, argazki-saioak, alfonbra gorria, Encuentros TCM Zinemaldia, Desayunos Horizontes eta azken orduko jakinarazpenak.
  • Eguneko jardueren aurreikuspena
    Arratsaldero mezu bat bidaliko zaie e-postaz akreditatu guztiei hurrengo eguneko jarduera guztien aurreikuspenekin.

PROIEKZIOETARA SARTZEKO

  • Prentsa-emanaldiak
    Prentsa eta akreditatuek emanaldi bereziak izango dituzte, honako sailetan: Sail Ofiziala, New Directors, Perlak, Donostia Sarietako Proiekzio Bereziak, Belodromoko hainbat film eta EiTB, TVE eta Euskal Zinema galak.
    Prentsarentzako emanaldien aurreikuspena webgune ofizialeko 'Prentsa' sailean eta aplikazioan aurki daiteke. Dokumentazioarekin batera banatuko da eta ohiko kanalen bidez egunero konfirmatuko da.
  • Gainontzeko proiekzioak
    Gainontzeko proiekzioetara sartzeko (K1 -arratsaldez eta gauez-, K2, Antiguo Berri Zinemak, Principe Zinemak, San Telmo Museoa eta Tabakalerako 1 eta 2 aretoak) gonbidapena jaso behar da kutxatilategien alboan, Kursaal Elkarguneko erabilera anitzeko aretoen atondoan, bezperan goizeko 8:00etatik proiekzioaren eguneko 15:00ak arte. Bestela, dagokion zinema-aretoaren leihatilan jasotzeko aukera egongo da saioa hasi baino 10 minutu lehenago, sarrerarik egotekotan. Inaugurazio Galako gonbidapenak irailaren 20ean, egunean bertan, jasotzeko aukera egongo da, 14:00etatik aurrera.
  • Nest Film Students
    Film laburretako saioetara sartzeko gonbidapena akreditatuentzako leihatilan eskatu behar da.
    Masterclassetara sartzeko ezinbestekoa izango da gonbidapena izatea. Gonbidapenak Prentsa Bulegoan eskatu beharko dira ahalik eta lasterren, agortzen diren arte.

JARDUERA OROKORRAK

  • Prentsaurrekoak
    Kursaal Elkarguneko 2+3 aretoa.
    Sartzeko akreditazioa behar da.
    Prentsaurrekoen aurreikuspenak webgune ofizialeko 'Prentsa' atalean irailaren 11tik aurrera, eta eguneroko baieztapena ohiko kanaletan.
    Oro har, Sail Ofizialeko Kursaal 1 aretoko prentsa-emanaldien ostean izaten da filmaren prentsaurrekoa, argazki saio baten ondoren.
    Era berean, beste film batzuetako eta atzera begirakoetako prentsaurrekoak ere ematen dira. Ohiko kanalen bidez ematen da haien berri.
    Horrez gain, aldibereko itzulpen zerbitzua ere eskaintzen da. Entzungailuak prentsaurreko aretoaren sarreran jasotzen dira, akreditazioa entregatuta.
    Webgunean zuzenean eta aldez aurretik grabatuta ikusteko aukera dago.
    Prentsaurrekoen aretoan ezin da flasha erabili, jan, edan edo telefonoz hitz egin.
  • Prentsa Klubeko aurkezpenak eta ekitaldiak
    Kursaal Elkargunea, 1 aretoa
    Prentsa Klubean aurkezpen eta ekitaldi batzuk egingo dira, eta ohiko kanalen bitartez emango da horien berri.
  • Desayunos Horizontes
    Victoria Eugenia Antzokiko klubean. Egunero 11:00etan.
    Desayunos Horizontes Sailean Zinemaldian parte hartzen duten Horizontes Latinos saileko zinemagileak egoten dira. Egunero emango da haien berri, ohiko kanalen bitartez.
  • Encuentros Zinemaldia
    Victoria Eugenia Antzokiko kluba. Egunero 14:00etan.
    New Directors, Perlak eta Zabaltegi-Tabakalera sailetako zuzendariek topaketetan parte hartuko dute. Egunero emango da haien berri, ohiko kanalen bitartez.
  • Klausura Gala
    Akreditatutako prentsak Klausura Gala zuzenean jarraitzeko aukera izango dute 2+3 aretoan. Gala amaitutakoan irabazleak areto horietara joango dira, adierazpenak egiteko.
  • Industria jarduerak
    Webguneko 'Agenda profesionala' atalean ematen da industria-jardueren berri. Aurkakoa adierazi ezean, prentsako akreditatuentzat irekiak daude

ERREPORTARI GRAFIKOENTZAKO JARDUERA BEREZIAK

  • Argazki saioak
    Prentsaurrekoak egin baino lehen antolatzen dira. Eguraldi ona izanez gero, Kursaaleko terrazetan egiten dira. Bestela, Kursaal barnean egingo dira. Prentsaurrekoen aurreikuspena webgune ofizialeko 'Prentsa' gunean irailaren 11tik aurrera, eta baieztapena egunero ohiko kanaletan. 
  • Guneetarako sarreretan gaitutako tokiak
    Zinemaldiak erreportari grafikoentzako toki bereziak prestatzen ditu honako lekuetan: Kursaal 1, Victoria Eugenia Antzokia, Tabakalera eta Maria Cristina hotela.
  • Prentsaurrekoak
    Prentsaurrekoa hasi baino lehen eta amaitzerakoan argazkiak ateratzeko aukera egongo da. Zinemaldiko langileen oharrei kasu egin beharko zaie. Aretoan ezin da flashik erabili.
  • Galetarako sarrera
    Inaugurazio eta Klausura galetan (Kursaal 1) eta Donostia Saria banatzeko ekitaldietan (Kursaal 1 eta Victoria Eugenia Antzokia) honako arauak jarraitu behar dituzte:
    • Eserita egon beharko dute, altxatu gabe, harik eta gala amaitu arte.
    • Ezin da flashik erabili ekitaldian.
    • Aretotik gala amaitutakoan atera behar da.
    • Ezin da irudirik grabatu, inolako formaturen batean emateko.
      Erreportari grafikoek eta telebistako kameralariek Victoria Eugenia Antzokiko, Belodromoko eta gainontzeko aretoetako aurkezpenetara sartzeko aukera izango dute, antolakuntzaren jarraibideak betez.
  • Belodromorako sarrera
    Erreportari grafikoek belodromoko saioetara sartu ahal izango dute aurkezpenetako argazkiak ateratzera, eta amaitutakoan belodromotik atera beharko dute.

AKREDITAZIODUNENTZAKO AUTOBUSAK

Hoteletatik Kursaal Zentrorako ibilbidea:

  • 8:15 SAN SEBASTIÁN HOTELA (Zumalakarregi, 20)
  • 8:17 ARÁNZAZU HOTELA (Vitoria-Gasteiz kalea, 1)
  • 8:20 CODINA HOTELA (Zumalakarregi, 21)
  • 8:25 HOTEL COSTA VASCA (Pío Baroja etorbidea, 10, autobusaren geltokian, hotelaren aurrean)
  • 8:30 AMARA PLAZA HOTELA (Pío XII. plaza. Euskotreneko autobus-geltokian)
  • 8:45 KURSAAL

Irailaren 22an, igandea, zerbitzua 30 minutu aurreratuko da Sail Ofizialeko prentsa-emanaldia 8:30ean hasiko delako.

2018ko ZINEMALDIA - DBUS AUTOBUS ZERBITZUA

Irailaren 20tik 28ra Dbus-en zerbitzu berezia egongo da ZINEMALDIA 2019 dela eta.
Egunero indartuko dira lineako zerbitzuak eta zerbitzu gehigarriak egongo dira.

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea