Deskonektatu 
Ofizialak
Zinemaldiaren bideotekak izena emandako filmak streaming bidez ikusteko aukera jarriko du industriako profesional akreditatuen eskura. Akreditatu hauek Zinemaldia amaitu eta hilabetera arte ikusi ahalko dituzte aipatutako filmak.
Bideotekaren kudeatzailea CinandoVL da. Azken hau Cinandok, Marché du Film - Festival de Cannes ekimenak sortutako industriako profesionalei zuzendutako plataformak, ematen duen zerbitzua da.
Honako film hauek ikusi ahalko dira (60 minutuko iraupena izango dute gutxienez):
- Ikusgai egoteko baimena ematen duten Zinemaldiko sail guztietako film hautatuak. (Bideotekan izena ematea doakoa)
- Plataforman izena emandako film hautatu bakoitzeko, salmenta-eragilearen katalogoko beste film bat, azken urtean ekoiztua. (Bideotekan izena ematea doakoa)
- VII. Europa-Latinoamerika Koprodukzio Foroan hautatutako proiekturen bat edo Zinema Eraikitzen 36 nahiz Glocal in Progress atalean hautatutako filmen bat duten zuzendarien lehenagoko film luzeak. (Bideotekan izena ematea doakoa)
Zinemaldiaren bideotekan Espainiako eta Latinoamerikako filmen panorama bat egongo da ikusgai ere bai. Enpresa bakoitzak hiru film erregistratu ahal izango ditu gehienez.
Film luze horiek baldintza hauek bete beharko dituzte:
- Gutxienez 60 minutuko iraupena izatea.
- Mundu mailako estreinaldia 2018ko urriaren eta 2019ko irailaren artean izatea.
- Espainian edo Latinoamerikako herrialde batean ekoiztuak izatea.
Zinemaldiaren bideotekan izena emateko filme bakoitzaren tasa hurrengo da:
- 70 € (% 21eko BEZa barne) Espainian edo Latinoamerikako herrialde batean ekoitzia izan den film bakoitzeko.
- 35 € (% 21eko BEZa barne) Euskal Autonomia Erkidegoan ekoitzia izan den film bakoitzeko (ekoizlearentzako doako akreditazio bat emango da).
Izena emateko azken eguna 2019ko irailaren 9 izango da, astelehena.
Informazio gehiago jasotzeko: videoteca@sansebastianfestival.com / (+34) 943 481 217
Andre Zigarrogileen Plaza, 1, 2. solairua
20012 DONOSTIA
Posta Kutxatila 397 - 20080 Donostia
Astelehenetik ostegunera:
9:00 – 14:00 / 16:30 – 18:00
Ostirala: 10:00 – 14:00
